رواية صاحبة العيون السوداء مكتملة لجميع فصول بقلم الكاتبة المبدعة هند إيهاب ( أسميته تميم )

صاحبة العيون السوداء_الجُزء الأول

- أنتَ مچنون يا تميم، بتحب بياعة مناديل

ابتسم وقال:
- بس دي أحلي بياعة مناديل شوفتها في حياتي

- لا ده أنتَ بقيت شخص غريب

سابه وقام وفضل هو يسرح فيّ، كان بيكلم مع نفسه ويقول:
- عيونها قادره تسحر البني أدمين، ولا هي خضرا ولا زرقه بس قادره تقتلني

- تميم!! قاعد لوحدك في الضلمه ليه كده، وليه حُسام مشي بسُرعه

قام قعد وقال:
- الا قوليلي يا هُدي عرفتي أزاي أنك بتحبي حُسام!!

قعدت قُصاده وقالت بأبتسامه:
- أشمعنا!!

- بسأل
- أبداً يا سيدي لقيته مُختلف عن ناس كتيره، حسيت أنه شخص كويس فلقيت نفسي بتشد له من غير ما أخد بالي، قلبي كان بيدُق من قُربه بطريقه غريبه، حابه وجوده

ابتسم وقال:
- طب وحُسام أعترف لك أزاي أنه بيحبك

ضحكت وقالت:
- من غير أي مُقدمات لقيته أجا في وشي كده ورمي الكلمه، وقتها حسيت أن مايه متلجه وقعت عليّ، خلتني مصدومه، وقتها أختفي فتره، أترعب، حس إني مش مرحبه بوجوده، بس أنا المُفاجأه خضتني

كان قاعد حاطط أيديه علي خده وبيسمع وقالت:
- وكمان أيه ده، عمال تسألني وأنا زي الهبله بجاوبك ومقولتلش بتسأل ليه، ليكون في حاجه كده ولا كده دخلت قلبك

ابتسم وقال:
- عُمري مجربت الحُب، قولت أخُد فكره عنه

- بس الحُب مبيتعرفش من كلام الناس عنه، مسيرك هتجربه وهيخليك بتحب شخص لدرجة أنك هتتجنن لو الشخص ده أختفي يوم واحد بس

هز راسه ورجع سند ضهره علي السرير وقال بهمس:
- وخداني ورايحه بيّ علي فين بس
 صاحبة العيون السوداء_الجُزء الثاني

وزي كُل يوم بيصحي من نومه ويركب عربيته ويروح ناحية المكان اللي ببيع فيه، كُنت تعبانه جداً، كُنت قاعده علي الرصيف ومش قادره أبيع حاجه.

فضلت أتفرج علي اللي رايح واللي جاي لحد ما لقيت حد بيشدني من هدومي وبيزعق وبيقول:
- أنتِ قاعده تستجمي وسايبه الشُغل، يومك أسود

كُنت بطوح في أيديه بسبب صُغر حجمي من حجمه، دمعت وقولت:
- والله تعبانه مش قادره

قلم نزل علي وشي خلاني وقعت علي الأرض من صُعوبته، شدني من علي الأرض بس فجأه لقيته واقع جمبي، بصيت لقيته شخص معرفوش.

مسكني من درعاتي وقومني بهدوء، بصيت علي المعلم بتاعي، وقولت بعياط وأنا بلطُم علي وشي:
- يالهوي هيموتني، هيموتني

- مټخافيش مش هيعملك حاجه

قام بعصبية وقال:
- أنتَ مين، ومين سمح لك تدخل بيني وبين بنتي

رفع حاجبه وقال:
- بنتك!! وهو فيه أب يعمل كده في بنته!!

شدني وقال:
- تعالي هنا

وهو بيشدني هدومي أتقطعت، بعصبيه ضربه بالبوكس في وشه، بص لي وقولت:

بص له وقال:
- ماشي، نطلع علي القسم، ونشوف لو بنتك بجد

بتوتُر قال:
- قسم، قسم أيه، لاء طبعاً

بص لي وقال:
- أبوكي!!

هزيت راسي برفض، قلع الچاكت بتاعه لما شاف أن جسمي بيبان، لبسني الچاكت وبص له