اسكريبت ( ٣ ) المتاهه مكتملة لجميع فصول بقلم الكاتبة المبدعة فاطيما يوسف

طول 
_والله يا باشا انا ما ليش ذنب انا لسه شايفاها النهارده من ساعه ما عملت الحاډثه وخرجت من المستشفى وماجد هو اللي هددني ان لو ما قلتش ان هو جوزها هيدمرني انا واهلي وهو قادر ويعملها علشان هو واخد على الشړ ده من زمان وانا ما اقدرش عليه لوحدي فاضطريت اني اكذب واقول ان هو اللي جوزها خوفا على نفسي وعلى اهلي من ظلمه وعدوانه .
بص لها ماجد وقال لها وعيونه بتنطق شړ 
_اخرسي يا غبيه انتي
انتي بتقولي ايه انا هعرف اعلمك الادب كويس جدا .
رد عليه الظابط 
_انت كمان بتهددها قدامنا ده انت ليلتك مش معديه باذن الله يعني مش كفايه خطڤ وټهديد وتزوير لا وكمان مش مختشي مننا وبتتكلم كده عادي .
انهار ماجد وقال
_لا احلام دي بتاعتي ومحدش هياخدها مني انا حبيتها قبله وهو سرقها مني وسرق حب حياتي وعمري كله مش ممكن اسيبها له ابدا مش ممكن اسيبه يتهنى بيها .
قال كده وهو عيونه بتنطق شرار وبتبص يمين وشمال لحد ما لمح سکين على طبق الفاكهه جري جري عليها واخدها وبسرعه كان رايح عند ماجد لولا الظابط لحقوا على اخر لحظه 
ومسكو قبل ما يوصل لخالد وقبض عليه هو وهند واخذهم وخرج راح يكملوا المحضر في القسم .
واتقبض على ماجد ومريم وجاري التحقيق معاهم
وروحت احلام على بيتها مع جوزها وهو حاضنها ودخلوا شقتهم 
واول ما احلام دخلت الشقه بصت على كل ركن فيها وبدات دماغها تجمع ذكريات بسيطه جدا 
قعدها خالد وقال لها
_هروح اجيب مالك من جارتنا وجاي علشان خاطر تاخديه في حضنك انتي وحشاه جدا يا حبيبتي .
وجاب مالك وادهولها بين ايديها واول ما الولد شاف مامته حضنها جامد وقال لها 
_وحشتيني جدا يا مامي بقالك يوم ويوم ويوم ويوم سايباني .
اول احلام ما شافت ابنها افتكرت ايام ماكانت بطنها كبيره وبدات تجمع احداث كثير في دماغها بس حاسه بتشويش جامد 
وقعدت تحضن ابنها وتبوس فيه وجوزها حضنهم هم الاثنين وقال لها 
_ما تربكيش نفسك في التفكير يا حبيبتي هنفتكر سوا مع الايام باذن الله اهم حاجه انك رجعت بيتك بالسلامه واطمنت عليك ولسه والدك مكلمني وقال ان هو جاي في الطريق وطمنته عليك ان انت كويسه عشان انا كنت قلقتهم 
لما حاولت اتصل بيكي وما عرفتش اوصل لك اضطريت ان انا اكلمهم وهم على وصول دلوقتي .
وجم اهلها وقعدوا معاها واطمنوا عليها وعدت الايام وكل يوم بتفتكر عن اليوم اللي قبله لحد ما في يوم افتكرت يوم الحاډثه اللي حصلت لها وصحت جوزها وقالت له 
_اصحى يا خالد انا افتكرت يوم الحاډثه بتاعتي كنت خارجه اجيب طلبات من السوق للبيت وكنت خارجه من سوبر ماركت اعترض طريقي ماجد وقعد يقول لي ان انا وحشته وان هو بيحبني وكلام كثير وحاول يمسك ايديا ويدخلني العربيه و رحت باعده ايده عني بسرعه وجيت اجري ما خدتش بالي من العربيه اللي قدامي
وحصلت الحاډثه بس الحمد لله ربنا نجاني ورجعتوا لي تاني ورجعت لبيتي ولعيلتي الصغيره في امان ربنا يخليكم لي وما يحرمنيش منكم ابدا .
حضنها خالد وقال لها 
_ربنا يخليك ليا يا حبيبتي وما يحرمنيش منك ابدا ويبعد عننا الاذى والعيون الوحشه والناس البطاله والحمد لله ان ربنا من عليك بالشفاء وان احنا بخير وبيتنا بخير وازمه وعدت وان شاء الله مش هتتكرر تاني .
وبكده خلصت حكايتنا
المتاهه اللي كانت فيها احلام وبفضل الله وصلت لبر الامان ورجعت لبيتها وجوزها بسلامه وبخير .
انتهى_الاسكريبت
المتاهه
بقلمي_فاطيما_يوسف