اسكريبت حكاوي حور مكتملة لجميع فصول بقلم الكاتبة المبدعة دنيا صابر
_ياحور احنا بنحاول نوصل لحل امسحى دموعك دى وأتكلمى معايا بهدوء الراجل فى عز غضبه ممكن يتصرف تصرفات غلط وممكن يضرب ويكسر ويبهدل الدنيا يبقى أعذريه وتلاشى الڠضب دا
هزيت راسى بسرعه اوى وانا بمسح فى دموعى الى ڠصب عنى بتنزل
أنا فعلا يا بابا عملت كدا وأول ما بحسه متعصب او متنرفز بدخل الاوضه واسيبه عشان يهدى لكن هو مش بيعجبه الوضع دا ويقولى اني مش طايقه اشوفه وانى بتلكك عشان ابعد عنه مع أن الكلام دا مش صحيح ولما عملت العكس وأحاول افهم ماله واساله بهدوء عن الى خانقه يقولى انه مش طايق نفسه ولا طايق يسمع صوتي ولسانه يطول وايده واحاول افلت منه وأتحامي فى الاوضه يجي ورايا دا وصلت لأنه يكسر بابا الاوضه عشان يكمل عليا يابابا صدقنى أسلم حل أني أحفظ الي باقى من كرامتى وكرامتكوا هى أني أطلق منه.
والي فى بطنك ياحور
حاوطت بطنى جامد كأني بحميه من العالم
ماله يابابا دا أبنى وهيفضل معايا وهو ملوش أى حق فيه
_ازاى بقا دا أول شوكه هيوجعك بيها
_مش من حقه اى حاجه هو أكتر من مرة حاول أنه يسقطنى وضربه ليا كان أكبر دليل لو مطلقنيش بهدوء هقدم تقاير الدكتورة للنيابه وهى تتصرف معاه بابا صدقنى أنا مش الكفة الضعيفه
_يعنى يابابا الست الوقتى غير الست زمان متسمعش كلام ماما دى بتفكر بتفكير زمان وزمان أوي أي نعم الطلاق مش سهل والمجتمع مهما أتقدم بيفضل برضوا يشوف المطلقه بعين مختلفه الا أن فى حالتى دي الطلاق أنسب حل مينفعش أسكت وأغفر وأجي علي نفسى أكتر من كدا الست الوقتى تقدر تطلق وتاخد ولو جزء بسيط من حقوقها والقانون فى صفها ومعاها بابا أنا مش ضعيفه وأقدر اواجهه بس مش عايزه اتجرح أكتر من كدا.
يا بنتى مقدرش أجبرك على حاجه هنستنى كدا كام يوم وبعدين نشوف وأمرنا لله.
يعنى أى يا أبو حور الكلام دا هتسيب بنتك تمشي الى فى دماغها تخرب بيتها بأيديها
_ ماما هو مفيش بيت أصلا عشان أخربه بأيدي البيت ميبأش بيت لو مكنش فى أمان ومؤده ورحمه وحب ودفاء ماما دا الرسول عليه الصلاة والسلام قالاتقوا الله في النساء فإنكم أخذتموهن بأمانة الله واستحللتم فروجهن بكلمة الله وقال كمان إنك لن تنفق نفقة تريد بها وجه الله إلا أجرت عليها حتى اللقمة ترفعها إلى في امرأتك و دينار أنفقته في سبيل الله ودينار أنفقته في رقبة ودينار تصدقت به على مسكين ودينار أنفقته على أهلك أعظمها أجرا الذي أنفقته على أهلك ودا محرم عليا العيش الحاف أنت مش جيتى الشقه عندى ياماما
