اسكريبت كامل من حكاوي ايلول مكتملة لجميع فصول بقلم الكاتبة المبدعة مريم منصور

جابلي ورد جاب بوكيه قالي ممكن تقبليه أقوله ايه..
قوليله اني هنفخك أنت وهو بإذن الله.
انتفضت علي صوته 
سيف
ايوه انا اجلك المهبب.
قالها وهو بيزق كرسي الخشب بتاع البلكونه سألته بترقب 
انت بتعمل ايه
هقعد أشوف هتقوليله ايه يا استاذة يا مستعرضة جمال اكتافك في البلكونه.
علي فكرة كنت بهزها بس!
بس!
سألها بسخرية فداريت ابتسامتي من جوا واتأفتت بصوت عالي 

انت قاعدلي زي القضي المستعجل كده ليه روح شوف حالك بعيد عني.
قام وضغط علي شفايفه بغيظ 
ولما ادوئك وانزلك الشقه اللي تحت دلوقتي!
مش هتعرف تقربلي يا بابا لأن في ثانيه إلا ثانيه هنده لخالتو من جوا وشباب المنطقه من تحت يجوا..
قاطعني بتنبيه 
طب اتمسي يا ايلول اتمسي علشان مطلعهومش عليك ويلا خشي جوا.
مش داخله لما اسقي الزرع.
وبعدين
سألها بأستنكار فقلبت عيني بملل وجاوبت 
والورد.
وبعدها
اكيد همسح البلكونه واروقها.
هز رأسه بتفهم ساخر وسأل 
وبعدها
هشوف بقي اقضي السهره هنا في البلوكنه ولا جوا مع اختك بس..
ملحتقش اكمل الجمله بعد ما زعق 
اقسم بالله ثانيتين كمان ومش هخليك هنا.
حاولت اتمالك شجعتني بأستفزاز 
اومال هبقي فين!
خد من ايدي دورق السقي ونبس بلا نقاش 
هاتي ده كده واتفضلي خشي.
يا سلام علي أساس انك بتحترمني و..
مقدرتش اعاند مقدرتش انطق حرف واحد بعد نظرته اللي خرستني وخلتني اخش جوا بس مش پخوف اوياصل انا الصراحة مبخفش وخصوصا من سيف..
خالتو ابنك دخلني ومخلنيش أعمل اللي قولتي عليه.
قولتها وانا داخله المطبخ فالتفتت ليا تسأل 
كنت واقفه عدل ولا مش عدل
أنا أكيد واقفه زي المسطره.
بصيت لي بشك وسألت 
طيب كنت بتغني ولا بدندني كده ولا كده
وقبل ما اجاوب وأنفي تماما تهمه سؤالها ظهر صوته بسخط 
كانت عامله أم كلثوم في زمانها.
قالها وهو بيحط دورق السقي علي الارض وكمل 
متعملوش حسابي في الأكلداخل انام.
طيب وخطيب اختك واهلوا اللي جاين دول
سألته خالتو فرد قبل ما يطلع 
اكيد هصحي.. 
لكن بصلي وكمل 
واظن مش محتاج اقول اللي هيرسي عليرهف هيرسي عليك.
وخرج فبصيت لخالتو 
ده ايه ده
ردت وهي بتعض شفيفها بمسايره 
معلش غيران غيران.
أخته ويغير عليها براحته لكن أنا بيني وبينه إيه علشان يغير اصلا
قولتها بتشويحه فهزت رأسها بضحك 
ولا اي حاجه يا حبيبتي.
وبعدين ده بيقولي هنفخك
معلش هتلاقي مزاجه اتعكر وهو جاي.
اتنهدت 
مزاجه لما بيجي عندي بيتلكك بس اصلا أنا جايه علشان رهف لوما محتجاني مكنتش جيت.
قولتها وخرجت..
طبعا كذابه ومقفوشه كل مره باجي اول ما اشم ريحه مناسبه عندهم أو مشوار عائلي ليهم وبحشر نفسي فيه بقرب زياده وهو بيبعد اكتر مع ان تعاملاته قليله لكن تحكماته موجوده ومع أنه مش جنبي طول الوقت لكن بيظهر في أوقات غير مستحبه زي غنايه في البلكونه واندماجي خالتو والكل بيقول أنه بيغير بس دي طباعه علي بقيت ستات عائلته وبشوف خنقة رهف من تحكماته الاوفر..
واعتراف صغنن الصراحه هي مش اوفر هي بتبقي عسل علشان بتيجي منه.
قاعده مبوزه ليه
سيف قال لا سلام ولا كلام ولا حتي بربشه عين قدام زين.
نولتها كوباية الشاي 
وده سبب إنك تضايقي
ايلول انت غبيه! أنا مش هعرف حتي اتكلم مع خطيبي وهو موجود.
خلاص اتكملي من وراه.
قولتها بتسليه وروقان فزفرت 
انا غيرك يا ايلول أنت روحتي وجيتي ومدردحه لكن أنا بتلبش قصاد سيف عكسك بتعرفي تسلك.
عقدت حواجبي 
وانا اقول ليه كنت زي الكتكوت المبلول قصادة من شويه.
ضحكت 
احلفي
أنت شمتانه ولا ايه! لعلمك بس لوما الوضع اللي قفشتي فيه مكنتش سبتله فرصه يهت في حتي.
ذهلت 
اشكمنه جيه يكمل عليا في الأوضه عملتي ايه