اسكريبت نور كامل ٤

حب يظهرلك معادن اللي حواليك تقومي تقابلي ده بالسخط
استغفر الله العظيم ياارب مش قادرة ومش قادرة أستوعب طب خاېفة أقول ليه أبقى بعارض قدرك وحكمتك بس جوزي وصاحبتي مرة واحدة! وكمان مخلفش يعني عمري ما هبقى أم كتير والله كتيرر الطف بيا يا لطيف الطف بحال قلبي يارب ده أنا اتيتمت من الأب كمان أتحرم يبقالي عزوة وسند وكأن الوحدة اتكتبت عليا أعيش وأموت لوحدي!
من فوق سبع سماوات لا يغفل ولا ينام ولا يظلم ربك أحدا وكل الأمور تحدث لخير كل من عند الله خيرا حتى لو جهلنا الحكمة الآن فهو القادر والذي يقول كن فيكون فيسخر عباد لعباد ومخلوقات لخدمة عباد فهل بمثله عز وجل أن يترك عبدا خلقه وتركه في أرضه هو العزيز يعز من يشاء ويذل من يشاء.
هي فين يا عمتي
جوا ياحبيبي اقعد أناديهالك.
متزعجيهاش أكيد نايمة.
ابتسمت بحزن
نايمة! هي عادت بتشوف نوم يبني اقعد هروح أناديها تسلم عليك أنت برضو جاي من سفر مينفعش تيجي وتمشي من غير ما تشوف بنت عمتك.
دخلت أناديها ولقيتها نايمة على جنبها مفتحة عينيها والدموع نازلة منها
مش هقدر أطلع يا ماما قوليله نايمة.
ده ابن خالك قومي سلمي عليه عيب كده.
مش قادرة والله ما قادرة أشوف حد.
فتحت الستاير وشدت الغطا ورمت على سريري الإسدال
عقبال ما أعمله الشاي أطلع ألاقيك طلعتي.
يا مامااا
يلا يا حبيبتي ربنا يراضيك خير.
خرجت وطلت عليا غير عادتها لأول مرة أشوفها كده وشها المنفخ وعينيها الحمرا وبسمتها اللي اختفت بقى دي إيمان دي بريقها اختفي.
إزيك يا إيمان 
بخير يا أسيد أنت عامل أي وباباك وأهلك كلهم
الحمدلله بخير كلهم بيسلموا عليك.
طب الحمدلله.
بقولك
قولي.
عايزاني أضربه أفشلك فيه غليلك أجيبهولك تحت رجلك تعملي اللي أنت عايزاه وتاخدي
حقك منه
أي..
شوفي أي يريحك وأعمله.
دموعي نزلت فهو مدلي أيده بمنديل
أنا ابن خالك وعمرك ما تفكري إنك لوحدك أنا في ضهرك وأهلك كتير في الصعيد شاوري بطرف صباعك بس نجيبلك عليها واطيها ارفعي راسك وعينك دي متتكسرش تاني أبدا.
عايزة أشوفه يا أسيد.
طب يلا بينا.
دلوقتي
كفاية اللي عدا بكيتي على واحد ميستاهلش النهاردة هنقفل صفحة أمه ورا ضهرك.
مال أمه دلوقتي بس
ماهي اللي خلفت عرة الرجالة ده واتحسب علينا.
ضحكت على كلامه وهو ضحك وكمل
يلا يا ستي يلا قال ټعيطي قال! يبت ده أنت ياما عيطتينا كلنا وكنت نمرودة صغيرة جاية دلوقتي تعوضي وتخلصي مخزون دموعك هه على مين يا ماما مش مسامحينك وأنا أولهم وودني اللي قرقشتيها تشهد.
مكنتش قادرة أمسك نفسي من الضحك وطريقته فظيعة وهو مكمل باستعطاف
بصي بجد يا إيمان ودني ده أنا مدخلتش الجيش بسببها واخدة بالك أنا حالتي بقت مٹيرة للشفقة إزاي
يا عيني يبني كان معاك دراكولا ولا أي
كنت أسمع عن مصاصي الډماء أول مرة أسمع عن آكلي ودان البشر.
قول كده بقى علشان كده أنت وإيمان مكنتوش على وفاق دايما.
اشهدينا يا عمتي إزاي خلفتي بنتك المتوحشة دي
اخث عليك يا أسيد بقى دي متوحشة
قوليله يا ماما علشان هو بيتبلى عليا.
لأ طبعا ياحبيبتي أنت مش متوحشة أنت بس مچرمة على صغير كنت بتاعة مشاكل من يومك.
طب يا سند يبنت السند كتر خيرك يا ست الكل أقوم أنا بقى.
الله ينور عليك قومي البسي.
اللاااه! على فين العزم
هاخدها مشوار كان لازم تعمله من بدري بعد إذنك يا عمتي.
أخدت إيمان وروحنا بيته وطلعنا فوق كان معاه مراته وأمه وباقي عيلته متجمعين.
العواف يا أهل طليقي.
إيمان!
أنا جيت أبارك بس للعروسين وآخد باقي حاجتي اخث عليك يا سارة بقى متعزميش صاحبتك