اسكريبت الحب مكتملة لجميع فصول بقلم الكاتبة نَـيّـرة الـسَّـيّـد

أنت يا أستاذ!!
افندم
ده كتابي
بصلي كده بإستغراب وقالي
بس الكتاب ده بقا كتابي 
نعم!! 
زي ما بقولك كده.. 
بقا كتابي
اتعصبت وشديت منه الكتاب
وأنا قولت أنه كتابي
قام وشده مني بعند
مبقاش كتابك أنا جيت أقرأ في المكتبة لقيت الطرابيزة فاضية وعليها كتاب منين بقى هو كتابك!!
بصيتله بعصبية وخبطت على الطرابيزة

أولا ده مكاني ودي طرابيزتي ثانيا طالما كان فيه كتاب يبقى كان فيه قارئ كان موجود قبلك
وهو كان بيتك هو عشان تقولي ده مكاني دي مكتبة عامة يا آنسة 
ااه ده مكاني اللي بقعد فيه على طول مين أنت أصلا!! 
شكلك ميدلش أنك قارئ أصلا ودخلت المكان بالغلط فلو سمحت هات كتابي
مكان غلط أي يا آنسة!! 
وأي دليلك بقى عشان اللي قدامك يكون قارئ!! 
ده مكاني المفضل من زمان
عايز تقنعني أنك قارئ!! 
استحالة
وأنت مين بقى عشان اقنعنك أصلا
قعدنا نتخانق كتير وصوتنا كان عالي في المكتبة بين ده كتابي وأنا عايزه وبين لا ده مش كتابك وكل اللي كان موجود في المكتبة كان بيبص علينا لحد ما جي شخص شغال في المكتبة وحاول يحل الأمور
صباح الخير يا فندم فيه مشكلة صوتكم عالي!! 
بصوت واحد قولنا آه 
خير يا فندم 
الأستاذ واخد كتابي وبيقول عليه كتابه
احضرنه يا.. 
أحمد يا فندم 
يا أحمد دلوقت أنا جيت زي كل يوم لقيت الطرابيزة فاضية قعدت عليها ولقيت الكتاب ده عليها فقرأت فيه كده أنا ارتكبت چريمة!! 
لا يا فندم 
بصيتلهم پغضب 
هو اي اللي لا يا فندم 
ااه ارتكب چريمة لما أخد كتابي بقولك أنا كنت موجوده هنا قبله جالي مكالمة وقومت لقيت حموكشه ده هنا وبيقرأ في كتابي
حموكشه!! 
ااه أي حد بتعصب منه بقوله كده وبعدين أنت مالك أصلا هو يوم باين من أوله خليلك الكتاب أنا ماشيه من المكتبة خالص
ومشيت وأنا مضايقة جدا وبقيت ماشية بكلم نفسي في الطريق وأقول قال كتابه قال
أي البنادم المستفز على الصبح ده بوظلي يومي وخلاص قررت أروح اقعد على كافية يمكن أهدى شوية وبالمرة أخلص شغل الديكورات اللي معايا..
أهلا يا فندم تحبي تشربي أي 
قهوة لو سمحت
تؤمري يا فندم 
شكرا
بدأت بالفعل اشتغل واخلص شغلي وأنا بشرب القهوة فحسيت بحرارة الجو وقومت اغسل وشي ولما رجعت لقيت شخص ماسك اللوح بتاعتي وقاعد يبص عليهم بتعجب فقربت من الطرابيزة وقولت لشخص اللي موطي وشه وبيقلب في رسوماتي حضرتك ده ورقي فيه حاجة!! 
بصيت لقيت نفس الشخص
هو أنت تاني!! 
أنت عايز مني أي في يومك ده بقى!! 
زعقت جمدد ماهو مش معقولة اضايق للمرة التانية من نفس الشخص في يوم واحد!! 
أهدي أنا آسف رسوماتك لفتت نظري فقولت أشوف أي ده ولما شوفتهم عجبوني أوي وماكنتش عارف أن هما بتوعك والله بس على فكرة رسمك حلو أوي
هديت شوية وقولتله ماشي شكرا على زوقك بعد اذنك ومشيت
تاني يوم