اسكريبت كامل بقلم الكاتبة المبدعة الست نور ( ١ )
انت في الصفحة 1 من صفحتين
هاي أنا العروسة
باي أنا العريس
ويا عروسة يا عروسة
أنا العريس!
28 سنة طوله 180سم قمحاوي وعيونه بني وشعره استريت نفس لون عيونه معندوش كرش وعامل فورمة جيماوية تستاهل تبقى ليا.
على كده أي لجأك لعبير الخاطبة
اختياراتها مبتخيبش!
والله! وأي يثبتلك ده
مهو العينة قدامي!
ضحك وسألني
أعتبر ده غزل
لأ جبر خواطر! اوعى تفتكر نفسك جامد أزعل والله.
لون الكحل بتاعها ألا أنا مدوخنيش غير عينيها جابتني وودتني.
هنعتبره blind date ونتعرف على بعض.
بلايند! أي اتطسيت في نظرك ولا محتاج جوز كوبايات يا راجل أنت قال بلايند قال يخيي عموك وصوتوا عليك يا بعيد خسارة الكوافير اللي روحته لأجل نعجب البيه وفي الآخر قال أييي بلايند! يا ميلة بختك يا نور.
يوه جاتك أي يا راجل كسفتني الله يحظك مانت بتعرف تقول كلام حلو أهو!
أومال لو قولتلك إن عينيك بحر شطه أسود وجواه لؤلؤ قاتم بيسبح في بحر عينيك!
يالهوي يالهويييي عالكلام الحلو يالهوي.
تصدقي عبير الخاطبة دي طلعت مية فل وعشرة!
ليه
علشان اختياراتها مبتخيبش.
إني قاعد مع القمر دلوقتي.
بس القمر جسم معتم يا خفيف.
قومي روحي يا ست أنت واتكلي على الله.
ضحكت وبعدها سندت دراعي تحت راسي عالترابيزة وسألته
أول مرة
لأ بس هي مرة بكل المرات اللي قبل كده.
اشمعنا
مش عارف بس حاسس بكده.
وفي العادي إحساسك بيوديك فين
إحساسي عمره ما خيب.
بس ده شيء يقلق.
إني أرتحلك ده يقلقك
إنه بالسرعة دي فده القلق في حد ذاته فين تطور المشاعر فين الساسبينس فين التراجيك فلو في الحبكة الدرامية فين كل ده
أي هيلموا الورق ولا أي
ضحك على أثر جملتي وأنا شاركته الضحك شوية ومسك المنيو وطلب أكل فبصيتله بعتاب
بقى تطلب لنفسك ومتطلبش ليا
بيتزا باربكيو وجنبها كولا.
عرفت إزاي
حسيت.
لأ والصراحة أنت إحساسك عمره ما خيب.
مش بقولك.
طب ما تيجي نختبر إحساسك
بدأت أفكر وأفكر وهو عيونه متشالتش من عليا ومنتظر سؤالي
أي أكتر حاجة أنا مأثرة فيا
چرح أيديك!
شاور على كف أيدي وخلاني فتحتها تلقائي فبدون ما يلمسني قرب وشاور على الچرح اللي فيها في بطن أيدي.
أثر الخياطة مش واجعك لكنه تاعب نفسيتك خاېفة اللي يشوفه ينفر منك.
وهو ميتنفرش منه
طمني بكل حنية
كل حاجة فيك مميزة حتى الچرح ده ليه دلالة ومميز شايفة خارج من فين
