اسكريبت كامل بقلم الكاتبة المبدعة الست نور ( ٢ )

حد يعرف يجاوب
أنا يا دكتور بعد إذن حضرتك.
اتفضلي يا بنتي اسمك أي
أنا نور يا دكتور.
نور على نور يهدي الله لنوره من يشاء
الله! ده ليا يا دكتور
اسم على مسمى.
ينفع كده حضرتك خلتني أدمع وأنسى الإجابة!
المدرج كله ضحك بما فيهم الدكتور اللي قعدني وعذرني من خجلي بسبب الموقف الرقيق ده وبدأ يتكلم بكل حنية
عارفين يا ولاد أنا كنت زمان بدعي بإن ربنا ميخرجنيش من الدنيا دي وحيد يعني كما ولدتني أمي لا اتمنيت مال ولا سلطة ولا معارف ولا أي حاجة اتمنيت الأنس والونس الصالح وإني ألاقي حد بعد وفاتي يقول رحمة الله على لب فؤادي أكرمني في حياته واليوم أدعو له بعد مماته فرزقني الله ب ست الستات وهي الدكتورة نور يوسف حسني وقد رزقت منها بولد صالح لذلك أنت اسمك غالي يا نور يا بنتي لأنه على اسم حبيبتي ونور عيني وأم عيالي.

تصقيف كتير وشباب بتصفر وعيون طلبة كتير بتتوزع ما بيني وبين الدكتور ونظرة بنات معايا اللي هو يبختك وإن ليا شرف عظيم زي ده أي حد مكاني يتمناه ويبقى محور رئيسي في الكلام بس أنا على عكسهم خالص أنا خجلت أوي وحسيت إني اتوترت أكتر لذلك مع أول رجل خطت باب المدرج وإن وقت المحاضرة انتهت أخدت بعضي وطرت.
ممكن أطبع الملفات اللي هبعتها لحضرتك دلوقتي لو سمحت 
اتفضلي أهاا.
طيب أبعت لحضرتك إزاي 
الفاينال الحزين وليالي الشتاء الطويلة الكئيبة وبكاء مرير بسبب وبدون سبب أنا في المواقف اللي زي دي أحب أتزوج جدا وأربي عيالي.
اتفضلي يستي طبعتلك المراجعات النهائية كلها.
مش عارفة أقولك أي يا نور والله كتير عليا.
يستي كتير أي إحنا نطول لما نعمل حاجة لست روئ!
أنت بريئة أوي يا نور من وقت الحاډثة ومحدش تاعب نفسه معايا غيرك وبيفتكرني.
أتمنى قلبي يفضل بخير.
قلبي هو كنزي الغالي هو اللي بيحمل مشاعر حب كبيرة وصدق وإخلاص وأمانة وأتمنى لا ينطفي ولا يدخله حقد أو سواد قلبي عزيز يارب فلا تعطه إلا لعزيز يكرمني ويكرمه.
أتعرف بيك
أنا نور مصطفى.
نور على نور يهدي الله لنوره من يشاء
حضرتك تاني شخص يقول ليا كده.
كان دكتور الشفوي بتاعي فلما قولتله كده ساب الورق وبصلي باستغراب وسألني عن مين قال ليا كده.
دكتور عبد الصبور رئيس القسم.
ابتسامة خرجت منه مع ضحكة خفيفة
يبقى أكيد قالك إنك على اسم مراته
دي حقيقة حضرتك عرفت إزاي
أصل مراته تبقى حبيبتي.
يعني أي حضرتك فيه أسلوب للكلام أحسن من كده وعيب أوي ده دكتور في مقام والدك.
طب مهو والدي فعلا!
أي ده والله! لأ بجد والله! هي حررت كده ليه يعني