اسكريبت الحب مكتملة لجميع فصول بقلم الكاتبة نَـيّـرة الـسَّـيّـد
كالعادة روحت المكتبة وعلى نفس الطرابيزة المفضلة بتاعتي وجبت كتاب من على الأرفف اسمه رسائل من القرآن وبدأت أقرأ وأنا منسجمة ومعايا اسكتش صغير وقلم بكتب بعض المصطلحات أو بعض الجمل اللي بتعجبني
تنتن.. تنتن..
قبل ما تقولي أي حاجة أنا آسف تسمحلي أقعد معاك
اتنهدت اتفضل عايز تقول أي
أعتذرلك على الموقف اللي حصل امبارح وحبيت اقدملك اعتذاري بشكل مميز ممكن تقبلي الهدية دي مني!!
قام وساب الهدية ومشي..
فتحت الهدية لقيتها كتاب نادر كنت بدور عليه بقالي فترة ومش لاقيه اتبسط جدا لما لقيته ومع الكتاب كارت صغير مكتوب عليه يارب تقبلي اعتذري يا آنسة للعلم اسمي زياد
انتظرته تاني يوم يجي المكتبة عشان اشكره على الكتاب بس للأسف مجاش فضلت فترة منتظرة على أمل أنه يجي بس برضو مجاش ظهر فجأة واختفى فجأة لحد ما جي يوم كنت بطلت استنى وكنت سرحانة نظرا لبعض المشاكل في الجامعة قاطع شرودي فجأة..
أنا جيت الآنسة شارده في أي!!
زياد!!
الحمد لله مقولتيش حموكشه يعني كده راضيه عني
ابتسمت وقولتله
اختفت فجأة يعني كان فيه واحد بيقول أنه قارئ وبيجي بإستمرار هنا
بالفعل بس كان فيه بعض المشاكل فماكنتش عارف أجي
تمتمت بصوت مسموع
يادي المشاكل اللي مش بتخلص
سمعتك على فكرة
لا مافيش المهم حبيت أشكرك على هديتك اللذيذة دي أنت جبت الكتاب ده منين!!
ده أنا قلبت عليه الدنيا عشان أجيبه وبرضو معرفتش أجيبه
أنا عالمي مافيش حاجة بتصعب عليا
وده بقى نسمي غرور!!
ضحك وقالي لا بس ثقة المهم يارب تكوني قبلت آسفي
ااه طبعا أنا كمان آسفة حسيت إني زودتها شوية بس أصل الكتب دي بتنفسها وبتعصب بصراحة لو حد مسك كتب الخاصة
ضحكت وقولتله هنتقابل بكره تاني هجبلك كتاب هيعجبك ومشيت
بقينا بنشارك بعض الكتب وبنقعد بالساعات نتناقش عنها وبنتبادل كتبنا الخاصة بقيت بحب أروح المكتبة عشان كلامنا سوى خناقتنا في بعض المواضيع المختلفين فيها وكأني لقيت ونيس يؤنس وحدتي في القراءة!!
أو كأنه حلم على هيئة واقع
الكتب وهو وأنا!!
بقيت بشعر بشعور غريب مختلط مش عارفه احدده بس كل اللي اعرفه إني بكون مبسوطة بالوقت معا وحسيت للحظة إن الكتب كتبت لأجلنا فقط لحد ما جى يوم وتعبت فيه لإني أهملت علاجي فأغمى عليا واتنقلت للمستشفى ولأول مرة من يوم ما عرفت زياد مروحش المكتبة وللأسف مش معانا أرقام بعض قعدت في المستشفى أسبوع وكنت مفتقده الكتب والمكتبة ويمكن زياد..
قالتلي الممرضة فيه زيارة عشانك يا جميلة فيه حد عايز يشوفك
خلي يتفضل
سلامتك يا آنسة
زياد!!
عيطت
