اسكريبت ما وراء الشبابيك مكتملة لجميع فصول بقلم الكاتبة هند إيهاب ( حصري علي مدونة أيام نيوز )

ما وراء الشبابيك_الجزء الأول
أفرحي يا بت يا دعاء جالك عريس
بجد يا ماما أسمه أيه!! طب شكله أزاي!!
كنت قاعده مع بنت عمي دعاء لحد ما مرات عمي دخلت وبشرتها بالموضوع.
شافك من البلكونه وعجبتيه وكلم أبوكي والخميس الجاي هيجي هو وأهله
قامت سقفت بحماس وبصت لي وقالت
يبقي لازم ننزل بكرا وأشتري حاجه لليوم ده
ابتسمت لها وهزيت راسي سيبتهم وقررت أرجع البيت مشيت خطوتين ودخلت البيت ساكنين في نفس العماره ونفس الدور.

دخلت الأوضه ونمت نمت لأن عارفه أن دعاء هتلففني كعب داير بس مش مهم علي قلبي زي العسل.
صحيت وقومت أعمل كوباية نيسكافيه وتوست جبنه رومي قبل ما دعاء تطب علي.
فتحت البلكونه وكالعاده بشوف الشخص قاعد علي القهوه اللي قدام البيت عيونه مبتنزلش من علي بصيت في الأرض وقعدت علي الكرسي اللي في البلكونه وفي أيدي فطاري حطيت الفطار علي الترابيزه الصغيره بدأت أخد قطمه من الساندوتش مع بق نيسكافيه بصيت عليه بطرف عيني ولقيته مازال عيونه علي.
ۏلع سيجارته وقام مشي في الوقت ده لقيت دعاء بټقتحم علي البلكونه وبتقول
والله يا ست هند يعني سيباني وقاعده تستجمي هنا
رفعت أيدي بالساندوتش وقولت
واضح أني بستجم
طب يلا كلي بسرعه معنديش وقت لسه هاروح أشوف دريس ولسه هاروح أشوف الهيلز ولسه عايزه أعمل شعري وأعمل ضوافري و
قاطعتها وقولت
أيه أيه حيلك ليه كل ده!!
أمال يا بنتي لازم أعمل كل ده عشان عريسي وأعملي حسابك اليوم ده هتقعدي معاي من الصبح عشان هتعملي لي الميكب
حطيت أيدي علي خدي وأنا بسمعها وقالت
خمس دقايق تكوني مخلصه فطار ولابسه
مشيت من قدامي وقومت ألبس مجنونه وتلم علي الناس بسبب صوتها لبست وأنا بكمل فطاري اللي مستمتعش بيه غير بعينيه.
ابتسمت وأنا بشوف نفسي في المراي وقولت
يا تري أسمك أيه بس!!
ما وراء الشبابيك_الجزء الثاني
نزلت مع دعاء وروحنا مول كانت عايزه دريس سواريه فضلت تنقي وتنقي لحد ما أخيرا استقرت علي دريس أوف وايت كان شكلها ياخد العقل من مكانه أول ما طلعت من البروڤا فضلت تبص لي بتوتر وقلق
سقفت بحماس وقولت
هو ده
بجد يعني حلو!!
حقيقي أتعمل علشانك
حضنتني بحب وقالت
دورك
بصيت لها بستغراب وقولت
دوري في أيه!!
أخت العروسه لازم تطلع وتبقي أحلي من العروسه
ابتسمت وقولت
حقيقي مش مستاهله أن شاءالله أول ما تحددوا الخطوبه هتلاقيني أول واحده جايبه دريس وعامة أنا عندي دريسات حلوه برضو ولا أيه يا ست دعاء!!
بعتت لي بوسه في الهوا وقالت
طبعا
ابتسمت وقررنا نروح ناكل في مكان في المول بعد ما خلصنا كل حاجه.
هاروح أطلب الأكل وأنت أسبقيني علي الترابيزه
هزيت راسي وخدت الشنط وروحت قعدت علي ترابيزه فجأه لقيت الشخص قدامي فضل يبص لي دقايق وبص في الأرض