قصة وعبرة سر زوجتي
انت في الصفحة 1 من 4 صفحات
بعد 3 سنين تعب ومعافرة..أخيرا اتجوزنا..انا وآيه حياتي
أكتر انسانه وقفت جنبي وأتحملتني وكانت بتدعمني
باستمرار..كل ما كنت ايأس..أشوف ضحكتها بس
ترجع الامل وتديني طاقة اهد الدنيا عشانها
أتخطبنا من سنه ونص..حصلت مشاكل كتير
بسبب أهلها..عشان ظروفي الصعبة بس هي
كانت بتقولي مش عاوزه حاجه من الدنيا غير اننا نبقى لبعض
وياسيدي لو حصل ايه انا ليك انت وبس
واتحملت وصبرت وربنا عوض صبري خير
شهر العسل فات بسرعه الصاروخ.
ماهو دا الطبيعي كل حاجه حلوه بتخلص بسرعه د
بس انا وهي اتفقنا أن حياتنا كلها هتبقى شهر عسل
مهمها واجهنا من مشاكل وصعوبات
طالما اننا مع بعض يبقى كله هيهون
من أسبوع كنت راجع متأخر من بره
اسفه يا حبيبي انا تعبت شوية النهارده
ومقدرتش أجهز عشا
ولا يهمك يا روحي..الف سلامه ليكي
مالك بس
مش عارفه حسيت بشوية دوخه كدا
اوعي يكون اللي ف بالي !
لا أطمن عملت اختبار حمل ومفيش حاجه
وبعدين احنا اتفقنا مش هنخلف قبل سنه من جوزانا
طيب تمام ايه رايك نطلب دليفري
ماشي يا حبيبي اللي تشوفه
طيب نطلب ايه
انا لقيت أعلان لمطعم جديد ملزوق على أزاز عربيتي
لما نزلت من الشركه
ايه رأيك نجرب أكلهم..عاملين تخفيضات بمناسبة الأفتتاح
خلاص ماشي يا روحي
طيب انا هاخد دش وأطلبي انتي الاكل دي الورقة وعليها ارقام المطعم
دخلت أخد شاور..ومراتي طلبت الأكل
ولما خرجت لقيت الأكل وصل
قعدنا ع السفرة..عشان نتعشى
الأكل كان لذيذ وكمان مش غالي مقارنة بمطاعم تانية
مالك يا روحي
ايه في ايه !!
بتقول حاجة يا عمر
انتي مش هنا خالص في ايه يا قلبي
لا مفيش..بس..بس اصلي لسه حاسه بدوخه وزغلله
طيب تحبي ننزل نكشف
لا لا مش مستاهلة انا محتاجه راحه وهبقى كويسه
طيب يا حبيبتي كملي اكل
لا انا شبعت الحمدلله..هقوم اعملك الشاي
فيها حاجة مش طبيعية..بس مش عارف ايه هي
فات يوم والتاني وايه لسه متغيرة
يا حبيبتي احكي لي مالك فيكي ايه
برضو مفيش..نفس الإجابة وبتتهرب مني
أخدتها وكشفت ليها وعملت تحاليل وفحوصات
والحمدلله مفيش حاجة
ساكته ومسهمه وسرحانه..في حاجة مخبياها عني
حاولت كتير أعرف منها في ايه
وبتقولي مفيش..بتحاول تخبي عني
بس قلقها وخۏفها واضح رغم انها بتحاول تبان طبيعية
قلقت وقومت..وخرجت من الأوضة بهدوء
لقيتها بتكلم حد في الموبايل
وبتقوله أرجوك..ابوس ايدك انا ست متجوزه
ومش عاوزه فضايح
ساعتها وقفت مصډوم وقررت أني...
وبتقوله أرجوك..ابوس ايدك انا ست متجوزه
ومش عاوزه فضايح
عشان خاطري انساني
واحنا اخوات
بس انا مش هقدر اخو!ن جوزي..بلاش تخرب عليا
لسه هخرج أواجهها..لقيتها فضلت ټعيط
وقفلت الفون وبتحاول تكتم بكاؤها
عشان محسش..رجعت بسرعه على السرير
وتظاهرت اني لسه نايم
دخلت ونامت جبنبي بهدوء..عشان متصحنيش
كنت سامع صوت نفسها وهي بتنهج وبتعيط
واقولها مالك..لكني تراجعت في اخر لحظه
وقولت خليها تيجي منها وتحكي لي لوحدها
صحيت الصبح لقيتها محضره لي فطار
متكلمناش كتير..بس في نظرة حزن في عيونها
نفسي تتكلم وتقول..بس
