نوفيلا اسميته تميم مكتملة لجميع فصول بقلم هند إيهاب

هو أنت جايلي بعد أيه يعني منتظر مني أيه
أنا جوزك
بصيت له بزعل وسخريه من الكلمه وقولت
جوزي جوزي اللي سابني ومشي من غير حتي ميقولي من غير حتي ميعرفني عمل كده ليه خمس شهور معرفش حاجه عن جوزي ولا جوزي يعرف عني حاجه عايشه أزاي طب بلاش أنا مفكرتش في أبنك مفكرتش فيه هان عليك تسيبه لواحده خمس شهور من غير حتي متسأل عليه بمكالمة تليفون

بعد عيونه عني وقال
هند بلاش الكلام ده أنا كان ڠصب عني
الكلام ده أقل حاجه من اللي جواي متعرفش أنا مريت بأيه ولا أبنك كان بيحس بأيه مفيش حد بيبعد ڠصب عنه ده كلام فارغ يا تميم حتي لو بعدت ڠصب عنك في تليفون يخليك تشرح لي اللي بيحصل معاك بس أنت عملت أيه أنت بعدت وقدرت تعيش بعيد عني وعن أبنك
مقدرتش واللي يثبت أني مقدرتش أعيش من غيركوا أني جيت أهو وواقف قدامك
جاي عشان تبعد تاني مش هسمح لك بده يا تميم ومش هسمح لك ټعذب أبني بغيابك من تاني كفايه شوفنا أيام وحشه أوي ياريت تمشي ومتجيش هنا تاني مش عايزه أشوفك ولا عايزه رحيم يشوفك
قفلت الباب في وشه كنت عايشه معاه أحلي سنين حياتي لحد ما فجأه أختفي من حياتي وكأنه كان حلم حاولت أوصله بأي طريقه بس مفيش فايده
لبست عشان أنزل أجيب رحيم من الدرس وأوصله التمرين
روحت قدام الدرس ودقايق ولقيته بيخرج أول ما شافني جري علي بوسته من راسه وقولت
وحشتني
بزعل قال
وأنت كمان
نزلت لمستواه وقولت
مالك يا رحيم
عدي صاحبي مامته وباباه هيجوا ياخدوه من الدرس هو أنا أمتي هطلع والأقيكي أنت وبابا تاني واقفين
مش أحنا متفقين علي كل حاجه مش متفقين أن بابا سافر عشان يشتغل ويعرف يجبلك كل اللي نفسك فيه
هز راسه وبعدين ابتسمت وقولت
طب أيه تحب تاكل أيس كريم قبل التمرين
حضڼي وقال
أحب طبعا
بادلته الحضن وقومت وقفت ومسكت أيديه ومشينا روحت عند أيس لاند طلبت أيس كريم بالشوكلت
أمسك يا سيدي أحلي أيس كريم لأحلي رحيم في الدنيا
مسك الأيس كريم بفرحه ومسك أيدي وبدأنا نتمشي لحد ما وصلنا التمرين دخل التمرين وروحت قعدت في كافيه قريب
اتنهدت وبدأت أفكر في ذكرياتي مع تميم قد أيه كانت حياتنا هتديه وبسيطه كنا قد أيه بنشارك بعض في كل حاجه كنت بفرح أوي لما الأقيه كل يوم بعد الشغل ينام علي رجلي ويحكي لي كل حاجه حصلت معاه أو العكس كان ينيمني علي رجليه ويخليني أحكي له
كنت لما أقوله أنه مش مهم كنت بسمع منه أحلي أجابه
أنا عايز أسمع الحاجات اللي مش مهمه بالنسبالك لأنها مهمه بالنسبالي
عن تشجيعه لي لما يلاقيني عامله صينية كيكه أو صينية بطاطس حاجات عاديه بس طريقته كأنه أول مره يدوق أكلي
دمعت وأنا بفتكر