اسكريبت أنسة اكسبنسڤ مكتملة لجميع فصول بقلم الكاتبة هاجر علاء

_طلعي اللي معاكي يابت 
_انت شكلك شميت ريحة البادي اسبلاش بتاعتي انا عارفه انها تحفه بس مش للرجاله 
ابتسمت وكنت همشي لقيته مسكني من الشنطه ورجعني عنده تاني 
_انتي هتعملي نفسك من ايجيبت يا استاذه بقولك طلعي اللي معاكي 
_حضرتك انا مامتي هي اللي من ايجيبت انما بابي من امريكا وانا كنت عايشه معاه ولسه نازله ايجيبت حالا. 

_يادي النيلة عليا ياستي انا سألتك عن قصة حياتك بقولك طلعي اللي معاكي بدل وربنا لاش رحك هنا 
_معلش بس هو يعني ايه اش رحك دي يا استاذ..
_ايه يا حوده بتثبت اللي يخصني لا مش دا اتفقنا يحوده 
حوده ساب شنطتي وسابني وابتسم للشخص اللي كان واقف 
_استاذ احمد اعذرني اباشا مكنتش اعرف انها تخصك..احنا اسفين اوستاذه 
_اوس... وات
الشخص التاني مسكني من الشنطه وجرني وراه
_وات ايه انتي لسه هتوتوتي 
_حضرتك مسكني ليه كدا هي الباج عجباكم 
_بت بقولك ايه اكتمي انا سايب سريري والحته ونازل اجيبك
_يعني ايه الحته 
_لمؤاخذة الحته دي المزة اللي معايا علي التيلفون 
_اه حضرتك في رليشن شيب مع وحده 
وقف فجأة ف خبطت فيه
_بصي بقا هتقعدي طبرطمي بالانجليزي احلف ارجعك لحوده ياخد اللي وراكي واللي قدامك
_هو حوده ده عاوز مني ايه
_لا شكلك غب يه كمان فعلا ربنا مش بيدي كل حاجه اداكي الشكل وخد منك حاجات تاني 
_حضرتك بتهزقني 
_لا يا حبيبتي اهزقك ايه بس
اخدني من الشنطة تاني وطلعني لعماره ووقفني قدام شقه
_حضرتك انت بتخطفني ولا ايه.. انا ممكن ارن علي جدتي واوديك في داهيه 
_ده بيت جدتك ياقلبي
سابني وراح للشقه اللي قصادي ورزع الباب
_صحيح الرجاله ماټت ايام الحړب ع رأي بابي
خبطت علي الباب وفتحتلي جدتي وكانت بټعيط
_حفيدتي روحي كدا يوحشه تسبيني المده دي كلها
اخدتها بالحضن وانا بعيط_انا اسفه ياحبيبتي انتي وحشاني اوي
اخدتني وقفلت الباب ودخلتني جوا الشقه_شكلك هفتان ياعيوني قولت لابوكي يسيبك معايا بس نقول ايه 
_يعني ايه شكلي هفتان..انا تخنت ولا ايه لما اكلت الشوكليت اللي البنت ادتهاني وانا جايه
ضحكت واتكلمت_هفتان يعني شكلك مش بتاكلي..قوليلي يا غاليه ابوكي بياكل اكلك 
_لا يا تيته انا عامله دايت 
_دايت ايه يابنتي هو فيكي يلا بقا روحي غيري عشان اكلك الارانب اللي عملاها
_هاكل ليه ارانب..هي مش الارانب دي بتتربي 
_وبعدين بتتاكل..اما قوليلي صحيح الواد احمد مطلعش معاكي ليه
_احمد مين..صح يا تيته في ولد طلعني هنا ومسكني من الشنطه وبهدلني وقالي سايب الحته ونازلك انتي وبعدين دخل الشقه اللي قدامنا دي وخبط الباب في وشي
ضحكت_ماهو هو دا احمد
_دقيقه دا اللي كنتي بتحكيلي عليه في الفون
_ايوه
_هو دا الشهم الجدع! 
_ايوه
_اوكي تيته اتمني مشوفهوش تاني ولا اشوف اي حد جدع طلاما الجدعنه كدا
_هو بس الواد اكمنه خلقه ضيق حبتين اخدتي عنه الفكره دي بس احمد دا مهند الحاره دا البنات بټموت عليه عشان جدعنته ومواقفه الحلوه مع اهل الحته
_مش مهم ياتيته كدا كدا هقعد