اسكريبت ( ٣ ) المتاهه مكتملة لجميع فصول بقلم الكاتبة المبدعة فاطيما يوسف

وطلع له وسأله عليها 
الدكتور استغرب جدا ورد عليه وقال له 
_ازاي حضرتك بتقول إنك جوزها وجوزها هو اللي كان معاها وهو اللي واخدها انت متاكد ان احلام اللي كانت هنا هي دي مراتك وهي دي اللي انت بتسال عليها .
احتار خالد جدا ولكن اكد له وجاوبه 
_ايوه هي مراتي وصوره البطاقه اللي انا شفتها في الملف بتاعها وعارفها كويس جدا وفي حد هيتوه عن مراته 
وكمل وهو بيسال الدكتور بحيره 
_ازاي حضرتك بتقول ان اللي كان معاها جوزها ممكن توصف لي شكله او اسمه حتى .
رد عليه الدكتور وقال له اسمه 
_ماجد العمري بس المدام بتاعتها صوره البطاقه اللي كان مديها لنا ما كانش مكتوبه فيها متزوجه تقريبا ما كانتش مغيراها .
قعد خالد على الكرسي پصدمه من اللي سمعوا وقال للدكتور 
_انتوا ازاي الحاله تدخل لكم وهي عامله حاډثه وتصدقوا اي حد يقول ان ده جوزها من غير ما يوريكم قسيمه الجواز وازاي تخرجوها اصلا وتخلوه يقعد معاها بالايام وانتم ما تعرفوش صلته بيها ايه
وازاي هي لما فاقت خرجت معاه 
كل دي اسئله طرحها خالد على الدكتور وهو مصډوم ومحتار 
رد عليه الدكتور وقال له بعمليه 
_للأسف المدام جالها حالة فقدان ذاكره من اثر الحاډثه وما كانتش فاكره حاجه خالص
وكمان الاستاذ اللي هو بيقول جوزها اللي كان معاها هو اللي كان جايبها هنا المستشفى وبيقول ان هو جوزها وما جاش في بالنا خالص ان ممكن ما يطلعش هو 
وكان مهتم بيها ومراعيها فوق ما تتخيل علشان كده ما شكناش ان هو مش جوزها 
وسالناه على اهلها قايل لنا ان هم من الصعيد وكمان المدام اكدت ان هي من الصعيد في اخر يوم هي ماشيه فيه
طبيعي ان حاله فقدان الذاكره المؤقته المړيض بيفتكر حياته بس على تدريج 
علشان كده يا فندم ما شكناش خالص انها ما تكونش مراته .
قام خالد من مكانه بعد ما عرف حاله مراته كلها وللأسف هو ما يعرفش عنوان اللي اسمه ماجد ده قعد يفكر يشوف هيعمل ايه .
وجه في باله فكره ان هو يروح لهند صاحبتها الأنتيم ويسالها عليها او يسالها على ماجد لانها كانت عارفاه كويس جدا ايام الجامعه 
واول ما وصل عند بيت هند بص لقاها هي وماجد بيركبوا العربيه وماشيين
فورا ركب عربيته ومشي وراهم يشوف هم رايحين فين 
وصلوا قدام فيلا ونزلوا هم الاثنين ودخلوا فيها
سابهم يدخلوا وبعدين صبر شوية وروح قال لي البواب ان هو زميله وانه معاه ميعاد ودخل وراه 
ضړب الجرس وفتحت له الشغاله وزقها من كتفها ودخل 
لقي احلام قاعده هي وهند واللي اسمه ماجد راح عليها وحضنها وقال لها وده كله وهي مستغربه وبتبص له باستغراب 
_احلام حبيبتي كنت ھموت عليكي من القلق واعصابي تعبتني
الف سلامه عليكي يلا تعالي هنروح بيتنا .
خاڤت احلام منه جدا وراحت احتمت في ضهر ماجد وجسمها بيترعش وقالت له 
_ابعد ايدك عني انا ما اعرفكش هو مين ده يا ماجد وازاي يدخل بيتنا كده بالسهوله دي 
بص خالد لماجد وقال له بزعيق
_ انت ازاى تيجب مراتي هنا يابني آدم إنت 
رد عليه ماجد بنفس الزعيق وبعصبيه وقال له
_وانت مالك اقولك ليه اصلا وبصفتك مين 
ردخالد بعصبية 
_بصفتى جوزها يا استاذ ماجد
رد ماجد باستنكار
_ هو ايه ده اللي جوزها.. بقولك ايه يا خالد بلاش تعمل الشويتين بتوعك دول عشان خلاص احنا بقينا حافظينهم