اسكريبت جديد كامل بقلم الكاتبة روان احمد

مسكت التليفون وكتبت پغضب بص يا ابنى مش معنى ان انا دخلت الجروب بتاعكوا يبقى الاقى حد كل شويه يدخلى عيب عليهم كدا وانا دخلت اشتكيلك لانك الادمن فلو سمحت احزم الموضوع دا .
استغربت لما لقيته شاف الماسدج ويكتب وبعد دقيقه لقيته بعت انا اسف جدا لحضرتك ابعتيلى سكرين شوت بكل الارقام اللى ضايقت حضرتك وانا هتعامل معاهم .

بعت بهدوء نسبيا شكرا يا ابنى .
قرأ الماسدج وبعت ابنك العفو يا طنط 
حسيت ان فى سخريه فى حديثه فبعت پغضب وانا بكتب بكذب ايوا ابنى انت من دور عيالى يا ولد .
انا اسف بس صوره البروفايل لآنسه ففكرت انك صغيره انا اسف لحضرتك .
ضړبت بايدى على جبينى لما قريت الماسدج بقى معقول كدابه وغبيه كمان يا للهول وقعت فى الفخ .
كتبت بتوتر وتقمصت دور الام دى صوره بنتى اخر العنقود وكدا فحطه صورتها .
ربنا يخليها لحضرتك والمشكله هحلها ان شاء الله بس ابعتى اسكرين بارقامهم .
حاضر ثوانى وابعتلك .
بعتله اسكرين وكان ارقام كتير ف سيبت التليفون وانا لسه جوايا ڠضب رهيب يخربيت التليفون على اللى اخترعه بجد بقا .
مالك يا بنت مټعصبه كدا ليه .
مفيش يماما المهم عامله غدا اى يجميل .
عامله قرنبيط ايه تحفه ومسقعه وجرجير وبطاطس مهروسه و
قاطعتها بحزن قرنبيط اللى انا مش باكله يا امى من ساعه ماعرفت الاكل حرام عليكى .
ابتسمت والدتها بفخر لا مش ناسيه انك مش بتكليه انا عاملاك عجه تستاهل بقك ياله علشان وضبت الاكل .
ابتسمت بفرح الله عجه ياله يا جميل احسن انا جعانه اوى .
تانى يوم 
فتحت اقرأ روايتى المفروض الفصل هينزل النهارده فى الجروب اللى انا مشتركه فيه فلقيت رساله من صالح الادمن اللى انا اشتكيتله فتحت الشات وقريت الماسدج كل اللى الارقام دى انا حظرتها من الجروب نهائى واتعاملت معاهم ومفيش حاجه هتزعجك بعد كدا يا طنط .
اتشنجت عند اخر كلمه بسبب كدبتى واحد باين على شكله اكبر منى بكام سنه يقولى انا يا طنط امى تيجى تشوف اخر العنقود بتاعها وهى بيتقالها يا طنط ضحكت بسخرية وبعت بدعواته مسنه شكرا على تعبك يا ابنى ربنا يباركلك ويكرمك ببنت الحلال اللى تستاهلك يا حبيبى .
التمست سخريته من رده اللهم امين يا حاجه ادعيلى على طول بقا.
قريت الماسدج وطلعت من الشات ودخلت اندمج مع الفصل الجديد من الروايه .
خلصت الفصل وانا ببتسم اخيرا البطل الجبله دا اعترف بحبه بعد ١٥ فصل تقيل بس بحبه والله .
قفلت الفون وقمت اذاكر شويه بعد مده سمعت اشعار جالى ففتحت الفون لقيت رساله منه مضمونها بس ليه ست كبيره زى حضرتك