قصة وعبرة كاملة ٤ بقلم الكاتبه إيمان

اسكريبت
واقفه عندك بتعملي اي ! مينفعش حد يقف قدام مستشفى خاصه و محترمه وليها إسم بالطريقه السوقيه دي ! 
عدلت شالي وحطيته على وشي وقولت بحياء بدور على رزقي يا بيه ياك حرم الشغل .!
علا صوته وقال بتعالي وهو بيتفحص شكلي الشغل مش حرام ولا عيب بس إنك تقفي بالشكل المبهدل د قدام مستشفى ذي دي فد مينفعش !!

ثم ركز حواليا وبعدين قال بتفحص وبعدين انتي شغاله اي انا مش شايف إنك بتبيعي حاجه .!!
رفعت عيوني ليه اللي كنت مكحلاها وقولت بقوة غريبه 
انا بياعة قلوب يا بيه .! 
استغرب وضيق عيونه وهو باصص لعيوني وقال بياعة قلوب ! 
ثم ضحك وقال بكل سخريه ويا ترى بتبيعي قلوب فراخ ولا أرانب ولا بقر !!
رسمت اللامبالاة على وشي وقولت متقولش على نفسك كده يابيه .!! 
صړخ وقال انتي اټجننتي! بعدين عدل نفسه وراح بص في عيوني وقال يعني اي بياعة قلوب برضو .!! انا مش فاهم !
قعدت على الأرض مكاني وسط التراب ورسمت قلب بعود خشب على تراب الأرض وحطيت في النص سهم وسبت مكان السهمين فاضي بدون أسماء وقولت شايف القلب د ! 
رد عليا با ستهبال لا مش شايف.!!
اتنهدت وغمضت عيني وفتحتهم وشتمته في سري ااه مال اهدي نفسي اذاي .!
كملت كلام ولا كإنه موجود القلب اللي انا رسماه د انا ممكن اتحكم فيه يعني ممكن اخلي البنت اللي انت عاشقها تحبك وممكن اخليها تكرهك ومتحبش حتى تشوف وشك العكر !!
اتوتر ولقيت كلامه اتقطع وقال انا مبحبش حد .! 
بس قلبك مايل ليها ! 
هي مين ! 
انت الادري ! 
انتي نصابه وكدابه .! 
شوفني ذي ما تشوفني بس اراهنك إنك هتجيلي تاني !
الرهان حرام . 
بس د مش على فلوس د على القلوب . 
بس انتي عمرك ما هتعرفي تتحكمي في قلبي قلبي مش بإيدك ! 
كل القلوب بيد الله.! 
اديكي قولتي يعني انتي نصابه وكدابه !
قومت ونفضت عبايتي السودا وشالي الأسود ووقفت قدامه وقولت لما تيجي بكره تسأل عليا ابقا قول عاوز اعرف فين بياعة القلوب وكله هيدلك على مكاني !
قال بللهجه غريبه بس انا مش هاجي الشغل بكره أنا اجازه . 
ميهمش هتكون كل الايام بكره لغاية ما تيجي ..!!
سرعت خطواتي بعيد عنه بس سمعته وهو بيقول دي شكلها مجنونه ضحكت شكل محمد بيه ميعرفش إني اتجنيت بيه بجد وحق وحقيقي .!!
دخلت الشقه بدون صوت وانا بتسحب لقيت حد بيمسكني ذي الحراميه اتنهدت لما لقيتها صوتت وقالت ااااي اللي انتي لبساااه د يا مجنونه !!
اي يا ماما كنت في مسرحيه في الجامعه وكنت عامله دور ال.. . 
لقيت ماما كملت وقالت الشحاتين !! كنتي عامله دور الشحاتين ياايمان!
اتنهدت