قصة وعبرة كاملة ٤ بقلم الكاتبه إيمان
واخدت نفس انا داخله انام ياست يا ماما عاوزه حاجه!
غيرري لبس الشحاتين د
ضحكت وانا داخله وقعدت على السرير وسكتت وقعدت افكر في الاستاذ محمد ابن خالتي اللي مش شايفني ابداا ولا عمره هيشوفني مش شايف غير شوقيه البنت اللي ساكنه في الدور اللي تحتيهم ذي ما قالتلي خالتي اللي قالتلي اعمل خطه جديده وانا طبعاا عملتها ونفذتها و وبعدين استنوا بقا بالذمه حد يحب واحده اسمها شوقيه وميحبش واحده اسمها ايمان .!!
ضيقت عيني وانا ماسكه واحده من البسله الخضرا بشوفها طريت واستوت ولا لأ لقد انتهت حلول الأرض يا خالتي وتركت الحل للخيال .!
زعقت هتعملي اي في ابني يابت انا مش مطمنالك !
كل خير يا خالتي كل خير !!
هو فيها أي لما اظهرله على إني بياعة قلوب وممكن اخلي اللي تنشك في قلبها شوقيه تحبه !! هو فيها حاجه لو ضحكت عليه شويه صغيرين ! وبعدين مانا بحبه اكيد مش هعمله حاجه وحشه يعني انا بس عوزاه يشوفني ويحبني .!!
لقيت خالتي ابتسمت وقالت ايمان بنت خالتك اللي عملتها .!
ضحك وبص علينا وقال أنهى واحده فيهم انا عندي عشر بنات خالات ياامي .!
من حقه يغلط والله امي معاها خمس اخوات بنات غير خالتي ام محمد وإخواتها الخمسه كل واحده مخلفه بنتين ماعدا امه مفيش غيره هو الولد اللي فينا !! بس لا مش من حقه انه ميعرفنيش انا ايمان اللي بحبه يعني مميزه عنهم .!
لقيته رفع راسي وبصلي للحظه الكون وقف واتوترت ودقات قلبي بقت بتدق بسرعه اوي لقيته دقق في عيوني اوي لدرجة إني خۏفت لا يكون عرفني من عيوني عشان هي الوحيده اللي كانت باينه مني بس لقيته ابتسم وقال.
البسله جميله تسلم ايدك .
غصبت نفسي إني ابتسم وقولت في سري دي امك اللي جميله !!
رفعت عيوني وبصيتله باستغراب وقولت في حاجه !
لقيته ساكت وبعدين قال هو انا شوفتك قبل كده!
كشرت واصطنعت الضحكه العبيطه وانا بقول بنت خالتك بقاا وكده وشكلك بتشبه .!!
لقيت الكل ضحك وهو كمان ضحك بس بسرحان وهو لسه باصصلي .!!
كنت قاعدين في في الصاله اللي كانت قاعده فيها معانا شوقيه وامها اللي خالتي كانت عزماهم يشربوا الشاي معانا !!
كان قاعد وباصصلها بسرحان وخجل وهي ولا معبراه وعامله نفسها مش شيفاه لقيت دموعي بتنزل عليه وإنه صعبان
