اسكريبت الحب الحلال مكتملة لجميع فصول بقلم الكاتبة حنين سامح

لحد ما تصحي دة أنت وحشني يا راجل بقالك فترة مش بتيجي 
يوسف لسه هيتكلم لقينا قرءان العشاء بدأ 
يوسف وبابا كانوا رايحين على المسجد لحد قرار ماما الي غير وشقلب حياتي كليا 
_ما تصلوا هنا يا حاج
بابا وقف شوية كدة زي ما يكون بيفكر في الموضوع وبعدها وافق وطلب من يوسف لو مش متوضي يدخل يتوضى .. وبابا طلب من يوسف هو الي يصلي بيه دخلت اوصتي و الصلاة بدأت ولقيت يوسف بدأ ب سورة مريم من أول آية فكلي واشربي وقري عينا وقتها حسيت الدنيا كلها بتلف بيا .. هو .. آه هو يارب ياربي على الصدمة دقات قلبي عليت جدا ودوخت مش عارفة ليه وحسيت بجد هيغمى عليا دلوقتي هو بيرتل وأنا بعيط .. بعيط علشان كنت خدت قرار بنسيانه .. بعيط علشان طلع يوسف زي ما كنت بتمنى .. بعيط على الصدفة الغريبة الي جمعتنا .. طول عمري بآمن بالصدف .. بس دي بجد أغربهم 
لقيت مامت يوسف صحيت وبتبصلي بستغراب كدة عرفت إنها صحيت من شوية وشافتني وأنا بعيط
_ أنت بټعيطي ليه  
مفيش يا حبيبتي مش بعيط ولا حاجة 
لقيتها بتبص علياا بعدم تصديق كدة فحاولت أغير الموضوع وقولتلها يوسف جه يخدك 
لقيتها مرة واحدة نطت من على السرير بلهفة 
_ بجد !! 
ابتسمت على فرحتها الجميلة دي 
آه والله وهو مستنيك تصحي من النوم علشان يخدك 
_ طب يلا يلا نطلعله دة وحشني أوي 
في الحقيقة أنا مكنتش عايزة أطلع أو بمعني أصح مش عايزة أشوفه خاصة بعد ما طلعت جري بعد الصلاة زي المجانين  
إحم لاء أنا هنديلك ماما تيجي تخدك تطلعك ليه 
لقيتها كشرت كدة ومدت شفايفها قدام زي الأطفال وقالتلي 
_ لاء أنت الي لقتيني يبقا أنت إلي تيجي معايا دة حتي يوسف هيحبك أوي وهيفرح منك أوي 
ياربي دقات قلبي رجعت زي الطبول تاني مجرد تخيل إن يوسف فعلا يحبني خلت دقات قلبي موصلة للجيران 
معلش أنا لسة هعمل شوية حجات وأبقا أخرج 
_ لاء هتيجي معايا الأول يلا بقا 
محبتش أزعلها ولبست نقابي وخدتها من إيديها براحة وخرجت وأنا بدعي من كل قلبي ربنا يخلصني من الموضوع دة بأقل خساير ممكنة 
_ إحم السلام عليكم 
كلهم بصولي وردوا ما عدا هو لقيته باصص في الأرض كدة ورد السلام بهدوء 
_ يوسف 
مامته إتكلمت بلهفة أول ما شافته وهو مرة واحدة رفع عينه من الأرض وبصلها وفي أقل من ثانية لقيته جنبي وشد مامته مني وحضنها قربه مني بالشكل دة وترني جدا .. بعدت شوية علشان أسيب ليه مساحة يسلم على مامته براحتهلقيته بيتكلم بدموع 
_ وحشتيني أوي يا أمي كدة تسبيني لوحدي كل دة دة أنا كنت ھموت من الخۏف عليك حرام عليك والله 
بصيت ل ماما لقيتها بټعيط وبابا كمان كان باين عليه الحزن أوي مفيش غيري إلي كنت واقفة مسهمة كدة وزي الجبلة  
_ بص يا يوسف دي حياء الي جبتني هنا
لقيت يوسف بصلي وأنا عمالة أقول في دماغي الله يسامحك يشيخة الله يسامحك والله 
_ أنا متشكر جدا يا أنسة 
إحم لا شكر على واجب أنا معملتش حاجة 
بص في الأرض تاني وقالي  
_ لولاك كان زماني لسة مش لاقي والدتي 
ربنا بيبعت كل واحد سبب للتاني وأنا ما كنت إلا مجرد سبب 
_ عموما أنا كنت منزل إعلان على النت من فترة الي يلاقيها هديله مبلغ معين 
بصتله مرة واحدة كدة ورفعت حاجبي من تحت النقاب وقولتله نعم !! لقيته بصلي بسرعة 
_ لا والله مش قصدي حاجة 
وبص في الأرض تاني وقالي  
_ أنا كنت لسة هقول والله إنك طالما بنت الحاج أحمد يبقى إستحالة أعمل كدة لسة بس والدتك قيلالي إن في فرح بنت مش مقتدرة بعد فترة قليلة وأنت الي بتلمي ليها التبرعات ف خودي المبلغ دة وأعتبريه تبرع بمناسبة إني لقيت أمي 
بصيت ل ماما بغيظ كدة إلي هو إزاي تقوليله حاجة عندي يا ست أنت وبصراحة مقدرتش أرفض 
تمام 
_ شكرا ليك .. أنا همشي بقا يا حاج أحمد 
تمشي إيه يا يوسف يبني أنت مش هتمشي غير لما تتعشى معانا بقا دة كلام بردو يا شيخ يوسف 
يوسف وبابا فضلوا يناحوا مع بعض شوية لحد ما يوسف وافق يقعد يتعشى
_ طب يلا يا أم حياء حضريلنا لقمة 
يا سلام يا حاج من عنيا يلا يا حياء تعالي معايا
دخلت المطبخ أنا وماما نجهز العشا وأنا في ميكس غريب كدة مابين سرحانة ومبسوطة ومتوترة ماما لحظت دة وكذا مرة تنده عليا 
_ يبنتي مالك بس ما تنتبهي شوية هتبهدلي الدنيا 
آخ معلش بقا يا ست الكل مخدتش بالي 
_ دي عاشر مرة تقولي مخدتش بالي على العموم يلا طلعي الأكل دة 
حاضر
حطيت الأكل أنا وماما وكنت هدخل الأوضة بس مامت يوسف طلبت مني إني أقعد معاهم وقعدت أنا مش عارفة الست دي عايزة مني إيه في يومها دة ! .. مكنتش باكل بس كنت قاعدة معاهم وخلاص وبحاول مبصش على يوسف خالص ولا حتى أبص نحيته فضلت سرحانة بفكر في الموقف الي أنا فيه وياترى زينب هتصدق الصدفة دي ولا لاء وفضلت أبتسم لما تخيلت صدمة زينب ومخدتش بالي غير على كلمة أم يوسف إلي خلتني عايزة أموت نفسي من الكسفة حرفيا 
_ بس هي كانت بټعيط خالص خالص وبتقول يارب إجعله من نصيبي يارب
هي قالت كدة وخدت بالي إن الحوار كان عليا من بدري وأنا مش واخدة بالي بس الجملة دي كانت الصدمة للكل مش أنا بس .. لقيت ماما وبابا بيبصولي بستغراب حقيقي ونظراتهم ليا الي هي التار ولا العاړ والجو دة أنا تنحت بجد وكنت ھموت من الكسفة طلعت جري على أوضتي لتاني مرة قدام يوسف ! دخلت الأوضة وأنا شوية وهيعط من الكسوف والله 
_ الله يسامحك يشيخة الله يسامحك والله أقول إي بس ولا أعمل إي .. ياربي على المحاضرة الي هتتفتح ليا بعد ما يمشوا ياربي بقا .. يا نهاري يا ترى يوسف خد باله !! .. طب هو هيفكر فيا إزاي دلوقتي .. الله يسامحك والله 
فضلت حوالي ساعة ونص قاعدة متوترة وخاېفة لقيت الباب بيخبط 
_ الباب بيخبط !! يلهوي آه بيخبط .. يا ترى بابا ولا ماما .. أقول إيه بس دلوقتي .. ياربي بقا على الوقعة دي لقيت الباب خبط تاني أو عاشر مش مركزة ! 
_ إحم إت إتفضل 
فكرتك نمتي !! مكنتيش بتردي ليه 
هاا لا ولا حاجة يا ست الكل خير عايزة حاجة 
_ آه 
هو أنا لو طلعت أجري تاني هيحصل حاجة !! والله ما هيحصل حاجة ! 
إحم خيرر يا ماما 
_ هو دة  
بصيت على ماما پصدمة 
هو هو