رواية بقلم الكاتبة روني محمد ( ٢ )

.. الراجل يا عينى جاله شبه ارتجاج وصواميل مخه فوتت لانه بلغ البوليس والبوليس جه وقبض عليه وامى الى هى امى مفكرتس تيجى تزورنى بعيش وحلاوة .. المهم انتم ملكوش دعوه انا هحل مشاكلى في حلقة بكرة انتظرونى ...
الفصل الأخير
الظابط تعرفي انك متهمة بمحاولة قتل السيد ابراهيم ابو نكلة
ريناد بذمتك يا باشا ده واحد ېتقتل وحد يدخل فيه السچن .. اصلا احنا لو سبناه لوحده كده لمده اسبوع ھيموت لوحده
رد ابراهيم وقال بغيظ 
خليك شاهد يا باشا عالغلط انا عاوز اعملها محضر سب وقڈف ..
الظابط لو سمحتى يا انسة متخرجيش عن موضوعنا وتجاوبى على ما هو منسوب اليكى .. هل كنتى متعمدة قتل السيد ابراهيم ابو نكلة 
ريناد يا باشا انا هقتله ليه هو كان في بنا طار ولا حاجه ..
الظابط بس استاذ ابراهيم بيقول ان دى مش اول مرة تحدفى عليه حاجه ..
ريناد يا باشا انا كنت صغيرة ساعتها عيلة يعنى كنت برمى الحاجات من البلكونة وسبحان الله كانت بترشق فى قرعته ..
ابراهيم بص بص اهى بتغلط اهيه سجل عندك الكلام ده ..
بغلط ليه ما انت اقرع فعلا هو انا يعنى جبت حاجه من عندى ..
بت انتى انا او مسكتك ھفعصك زى اللمونة مش هيهمنى ..
ريناد سجل يا باشا عندك في محضر رسمى ده ټهديد صريح بالعصر وده شئ انا ارفضه وبشده ..
الظابط باااااس اسكتو بقى .. وكلمة كمان انا هحبسكم انتم الاتنين ..
ريناد ماشي يا باشا انا هسكت بس عرفنى انا هروح امتى عشان بصراحة انا جعانة و سندوتشات المربى الى ابويا جبها خلصت ..
الظابط انتى في ايه ولا فى ايه انتى متهمة بقضيه هتخدى فيها عالاقل سنتين تلاتة
ريناد اكلونى بس الاول وبعدين نشوف موضوع القضية ده انا واثقة ان الاستاذ ابراهيم مش هيرضيه انى اتبهدل وسط المجرمين وقتالين القټله
ابراهيم دلوقتى بقى اسمى استاذ ابراهيم امال كان فين الادب ده لما كنتى بتحدفينى بالطوب انتى والعيال
غلطة يا هيما وربنا غلطة ومش هتتكرر وبعدين انا كنت عيلة وخلاص مش هتتكرر
ابراهيم والزرعة الى نزلت فوق دماغى كسرتلى الجمجمة ..
ريناد مش بايدى ولله انا كنت بسقى الزرع وهوب الهوا هو الى وقعها .. وشوف اى تصليحات عندى انا ممكن ادفع تمن العلاج والمستشفى لو تحب ..
ابرهيم هرش في دماغه وقال 
اا انا عاوز تعويض
ريناد ماشي وانا مستعده من جنيه لألف ..
ابراهيم الف جنيه ايه دول تروحى تجيبى بيهم بلالين تطيريهم ولا مصاصات تكليهم انا عاوز 20 الف جنيه واتنازل على المحضر ..
عع عشرين ايه لا يا باشا اعدمنى احسن ابويا مش هيدفع فيه اكتر من 100 جنيه ..
هو ده الى عندى ومش هتنازل عن المحضر غير
لما اخد العشرين ألف .. بعد اذنك يا حضرة الظابط ..
ريناد قالت بصوت واطى 
كده يا هيما عاوز عشرين الف وحياة ابويا لاطلعوا على جتتك واخليك متسواش تلاته تعريفة .. يابو نكله يا مصدى ..
تانى يوم ابويا جاب الفلوس وخرجنى من القسم واول ما وصلت البيت لقيت ماما بتقولى 
اهلا برد السجون بقيتى سوابق يا بت !!
مامتى الحلوة انا مش عاوزة اتعارك النهاردة سبينى ادخل انام بدال ما اتحول ذمبي وانزل اطبق في زمارة ابراهيم ابن ابو نكلة ده ..
طيب يا اختى روحى نامى نامت عليكى حيطة ..
بعد يومين روحت الجامعة وقابلت دينا صحبتى وكنا قاعدين فالكافيتريا بنتكلم ..
دنيا قالت 
انتى حطمتى الرقم القياسي فالعرسان طب ما تبعتيلى عريس ينوبك ثواب بدال