اسكريبت كامل بقلم إسراء جمال
أول شخص يلبسها
ملامحه بدأت تتوتر مكنتش بحب أمارس أسلوب الابتزاز بس هما اللي اضطروني
إيه اللي عاوزاني أعمله
كده تعجبني
ياريت تقولي وتنجزينا
مالك بس خلقك بدأ يضيق علينا ليه لاتكون هتعملها ڠصب عنك ولا حاجة
ملامحه بدأت يبان عليها العصبية أكتر عيونه بدأت تحمر وكإنه هيطلع منها شرارة
ټخطف ريناد
نعم
إيه مالك مستغرب ليه إخطف ريناد
وبعدين لما نخطفها هنستفيد إيه
لأ دي بتاعتي أنا بقى ملكش دعوة
هنا إنتي عمالة تتهوري وهتاخدي قرارات هتندمي عليها خلي بالك
يا عم هو أنا اللي هندم ولا إنت!
ما أنا متدبس معاكي فيها
كده متدبس وكده متدبس يبقى إتدبس في حاجة تشرف
ده عليها شوية عفاريت يجننوا أعقل حد
بس دي مش ريناد
لأ بقولك إيه لعب في عقلي تاني مش ناقصة
والله دي أختها التوأم كل واحدة بتبات في المكان ليلة وده الهدف من الفكرة إننا نجننكو
لأ صريح كمان ما شاء الله
حسيت إن بتصدم كل يوم عن التاني بس وماله أدينا بنتسلى ويا أنا يا هما بجد أصريت عليه يخطف ريناد ويجيبهالي بكرا لأن مفيش غير بكرا وبعده بس ولازم أرجع هو مشي وأنا روحت لطنط زينب
أنا حذرتك وما زلت بحذرك يا هنا إبعدي عن الطريق ده وكفاية علشان خاطري
مش هينفع لازم أكمل الطريق
ربنا يستر عليكي من دماغك يابنتي
للدرجادي دماغي تخوف
شجاعتك الزيادة هي اللي تخوف
تقدري تقولي ضميري حي حبتين
وإحنا في زمن مبيقدرش ده للأسف
مش مشكلة الزمن يقدر بس المهم إن هحاول للآخر
كنت حاسة بحنان الأم اللي مفتقداه الفترة دي كنت خاېفة أحكي لماما أى حاجة علشان متقلقش صليت قيام الليل مع طنط زينب وبنتها مريم علموني دعاء رب إني لما أنزلت إلى من خير فقير وقالولي أقوله كل ما أتزنق وأصل عالنبي كتير يمكن كانوا ناس بسيطة معندهمش فلوس ومساعدة مالية بس قدمولي الأحسن منها بكتير وهي المساعدة المعنوية إدوني نصايح مكنتش هعرفها من أى حد من دايرتي المقربة
لحد السفرية دي كنت فاكرة إن مبعرفش أغير مكان نومي ولو غيرته مش هعرف أنام بس تمام إتأكدت إن كل دي كانت أوهام
طب يلا علشان تلحقي الفجر
صليت معاهم وطلبت منهم يسيبوني لوحدي كنت عاوزة أتأمل في السماء وقت الشروق كنت حاسة إن عاوزة أحكي ل ربنا كل حاجة أنا بجد كنت قلقانة من اللي جاى أوي
مش عارفة الظروف هتسمحلنا نتقابل تاني ولا لأ يمكن الاحتمال الأكبر إنه لأ بس لازم تعرفوا إنكم كنتوا محطة جميلة أوي في حياتي محطة علمتني معنى الحب الحقيقي كنت مبسوطة وأنا موجودة معاكم حسيت بمشاعر عمري ما حسيتها قبل كده إتعلمت حاجات مكنتش هتعلمها غير لو قابلتكو أنا فعلا طحن محتاجة أشكركم من كل قلبيي
وداعا يا ألطف العابرين في حياتي لن أمل من تمني تكرار اللقاء أتمنى أن تجمعنا الحياة مرة أخرى لربما نلتقي في فصل جديد حينها من الممكن أن تكون الحكاية مختلفة!
وقتها كلنا عيطنا حضنوني وهما ساكتين كانت الدموع ونظرات الحزن هما أصحاب الموقف!
مشيت وسيبتهم بعد ما ودعتهم وخدت رقم مريم كان إحساس صعب أوي بس كان لازم الحياة تكمل الحياة مش بتقف على شخص أيا كان
أظن نفذتلك طلبك ريناد أهي
ليه يا هنا
أظن لو حد هيسأل السؤال ده هيكون أنا
لأول مرة حد ياخد رد فعل دفاعي معانا
وأديني خدته مهما طال الظلم ف بيكون له نهاية
مفكرتيش ليه إنك واحدة وإحنا كتير يعني ممكن ببساطة نخلص منك أو كنا نبلغ عنك الباقين بعد ما عرفنا إنك عرفتي الحقيقة ونخلص منك
كنت واثقة إنكم مش هتعملوا كده
غريبة إنتي كلامك كله غريب يا هنا!
المهم إحنا مقدامناش غير النهاردة وبكرا
قصدك إيه
أظن إنتو شفتوا ما يثبت إبتزاز المهندسين شفتوا إنهم بيتعرضوا لتلاعب نفسي وعصبي يخليهم يكرهوا حياتهم ويتجننوا ويشكوا في نفسهم ف لما يجو يتكلموا عن الابتزاز اللي شافوه تتهموهم بالجنون المعاينات محدش بيروحها تماما فاكرين فيها لعڼة تقريبا ميعرفوش إن نفوس البشر المړيضة هي أكبر لعڼة
إنتي متعرفيش إيه أجبرنا نكمل هنا بلاش تظلمينا
ومش عايزة أعرف كفاية إنكم بتاخدوا فلوسكم على حساب خسارة ناس سواء نفسية أو عقلية أو بدنية وغيره كتير مبروك عليكم الفلوس اللي كسبتوها
خلاصة كل ده مطلوب مننا إيه
هتسافروا معايا النهاردة وهتشهدوا بكل اللي حصل علشان يتم القبض عليهم متلبسين قبل ما يمشوا بكرا مفيش وقت معانا غير النهاردة وبكرا
إنتي هبلة لأ طبعا هنتاخد أول ناس
إهدي يا هنا هنقعد نفكر في حل مناسب لينا كلنا من غير ما حد يتؤذي
عيلة صغيرة أنا علشان يتضحك عليا صح
هنا عارفة أنا هنا ليه
مش عاوزة أعرف
أختي كانت ضحېة أنا موجود لنفس السبب أنا موجود للاڼتقام مش زى مانتي فاكرة
إيه! بتقول إيه!
كنت مصډومة من اللي بسمعه وبصعوبة قدرت أهدى وأستعيد توازني للدرجادي فيه ناس بتتبهدل هنا معقولة لقوا مني التركيز الزيادة ف قرروا يمشوا طبيعي علشان كده مشوني بدري لما ملقوش أمل مني!!
أنا ناقص ليا خطوة واحدة أرجوكي ماتبوظيهاش
على فكرة أنا وأختي التوأم مشتركين مع مالك
ناقصلك خطوة إيه يا مالك
أصعب خطوة وهي إقناع كل اللي في المكان بالشهادة كل الأدلة اللي معانا سهل تتكذب بس الحاجة اللي مش هتتكذب هي شهادة كل الناس بس مش شهادة شخص ولا اتنين ولا تلاتة زى مانتي فاكرة الحوار بسيط الحوار شهادة مكان كامل!
طب وهنعملها إزاى دي
ماهو ده اللي بنخططله بقالنا شهور
بقولكو إيه بلا تخطيط بلا بتاع أسرع طريق لقلب المصريين هو اللسان الحلو
هنا أرجوكي بلاش تهور تاني الله يكرمك
لأ متقلقوش ثقوا فيا
مشكلتك متسرعة ونظرتك سطحية وفي الحقيقة أنا خاېف من ده
إحنا مفاضلش غير النهاردة وبكرا يعني لازم نبقى كلنا متسرعين ونظرتنا سطحية مش أنا لوحدي
عادي نستنا المعاينة الجاية
إنتو إزاى باردين كده هنستنا شخص جديد يتجنن ويتأذي أنا عارفة هبدأ الطريق إزاى
إزاى
تعالوا معايا
قررت أخدهم معايا عند طنط زينب ومريم كانت لحظة مؤثرة أوي مالحقوش يزعلو عليا لقوني في وشهم على طول
هنا!
قوموا مش وقت بكاء عالأطلال فيه رقاب بتطير هنا
فيه إيه طيب
بدأنا نحكيلهم كل حاجة بالتفصيل أنا وريناد ومالك اللي هما أصلا كانوا عارفينها بس محبتش أكشف
