اسكريبت كامل بقلم إسراء جمال
أفصل بين كل الأحداث دي مش علشان خاطرهم بس علشان خاطر سلامي النفسي مش أكتر
إيه ده إنتي مش هتنامي
تؤتؤ
أمال هتقعدي تعملي إيه!
هاصل قيام الليل
بس إنتي أول ليلة تصل القيام
إفتكرت إمبارح ونصيحة طنط اللي كنت في بيتهم قالتلي ربنا قريب مجيب كل شئ بيحصل بيكون له حكمة وقالتلي جملة علقت معايا أوي ربنا أقربلك من حبل الوريد يعني ممكن من غير ما تفكري في الحاجة يرزقك بيها عارف تفكيرك عارف حيرتك من غير حتى ما تتكلمي ولو عاوزة تكوني مميزة عند ربنا يبقى إعملي حاجات مميزة صل القيام سهام الليل لا تخطئ أبدا
إيه رأيك تصل معايا يا ريناد
كان نفسي بس أنا ھموت وأنام
لو نمنا هنحلم بس لو صحينا ربعاية وصلينا ركعتين هنحقق الأحلام دي!
وفعلا ريناد قامت تصل معايا بعد إلحاح مني دعيت ربنا يهديني للصالح وأقدر أحسن التصرف
ظبطنا المنبه على الفجر أنا وريناد ونمنا كنت قلقانة أوي من اللي جاى يا ترى هتصرف صح
صلينا وقرأنا الأذكار وعملنا فطار لذيذ ونسكافية ونزلنا كنت عارفة إنه الإحساس ده مش دايم للأسف مش كل جميل بيدوم
ما شاءالله على عكس باقي المهندسين أداء البشمهندسة مقلش مع إننا في اليوم الرابع
أيوة فعلا المهندسة هنا أدائها ممتاز
على فكرة يا بشمهندسة الشغل خلص لو حابة ترجعي تقدري ترجعي قبل ما الإسبوع يخلص
بس هترجعي لوحدك إزاى
مش بتاعتكم دي بقى إنتو كده مهمتكم خلصت
ومشيت لوحدي بعيد عنهم كلهم والمرة دي قررت هبدأ اللعبة الحقيقة وهتبدأ عالمكشوف!
ألوو
يتبع
البارت التالت
على فكرة يا بشمهندسة الشغل خلص لو حابة ترجعي تقدري ترجعي قبل ما الإسبوع يخلص
هرجع بس بشرط أرجع لوحدي
مش بتاعتكم دي بقى إنتو كده مهمتكم خلصت
ومشيت لوحدي بعيد عنهم كلهم والمرة دي قررت هبدأ اللعبة الحقيقة وهتبدأ عالمكشوف!
ألوو
أيوة مين
لحقت تنسى صوتي ده أنا كنت ڤضحاكم في الموقع كل يوم
كنت عارف إنك هترني بس متوقعتش بالسرعة دي
إحنا لازم نتقابل
طيب مكانك فين وأنا هجيلك
بس تقريبا وصلني إنهم قالولك تمشي و إنتي اللي رفضتي!
ما أنا هقابلك علشان كده
وأنا معنديش مشكلة أقابلك بس عرفيني أى حاجة ليها علاقة بالمكان أى حاجة أعرف أوصلك منها
انا واقفة تحت شجرة فيها جوافة
تصدقي كنت فاكره برتقال
إنت بتتريق عليا!
يستي ما تقولي حاجة عدلة أعرف أوصلك منها المكان هنا كله شجر جوافة أصلا
وأنا أعرف منين أنا فين طيب
طب بصي إقفلي وأنا هحاول أتصرف
قفلت وقررت أروح عند الناس الطيبة اللي كنت عندهم من يومين طب ما ثانية صحيح ما أنا ممكن أسألهم عن المكان وأقول لمالك عليه
فضلت ماشية حبة كتير وأنا عمالة أصبر نفسي هتروق وهتحلى هتحلى بجد يابت يا هنون إنتي إصبري بس وفي الحقيقة حب الذات بينفع أوي في المواقف دي في وسط كل الأزمات الواحد بيرزع نفسه واحدة شاطرة وشطورة قمرة وقمورة بتجيب أجل الاكتئاب خالص
ماية هاتووولي ماية
إيه ده بشمهندسة هنا ده حماتك شكلها بتحبك
شربوووني
شرب إيه بس ده إحنا عاملين محشي وبط لازم تاكلي
بط إيه بس يستي والله عايزة أشرب
ماتعمليش مكسوفة لازم هتاكلي معانا
يستي شربوني وبعدين ناكل البط أنا وإنتي وناهد وكلنا
شوفي يا ماما برضه مكسوفة
كنت على لساني أقولهم تلاجتكو فين وأنا هدخل أشرب نفسي بس سكت لما لقيت بنتهم الصغيرة جابتلي أشرب وفهمتني هي
يا ماما هي مش مكسوفة بس هي حاليا محتاجة الماية مش الأكل أكيد هتحتاج الأكل بس بعد ما تشرب فهمتوها
شربت وسرحت وقتها قد إيه بندخل علاقات وبنمر بمواقف كتيرة ممكن الطرف اللي قدامنا يفرشلنا الأرض ورد بس الورد مش احتياجنا دلوقتي الورد مش هيغنينا عن احتياجنا الأساسي أه هنحتاج الورد بس بعد ما نلاقي الود والتقدير الأول!
ممكن نكون مستعجلين على حاجة في حياتنا ومستغربين الظروف منعرفش إن الحاجة اللي مستعجلين عليها دي لازم خطوة قبلها هي فعلا إحتياجنا بس مش إحتياجنا الحالي محتاجين إحتياج تاني أهم منه دلوقتي!
إيه يا هنون سرحتي مننا كده ليه للدرجادي الماية بتاعتنا حلوة
وريني البط ده بقى بيقول إيه
كلت معاهم معرفش جبت الجرأة دي منين في الطبيعي مبحبش أكل عند حد بس الناس دول حسيتهم أهلي بجددد
طنط هو المكان هنا إسمه إيه
إشمعنا!
أنا عاوزة أقابل مالك
كنت متأكدة إنك مش هتسكتي يا هنا كنت متأكدة إنك هتعملي اللي في بالك
الساكت عن الحق شيطان أخرس يا طنط
بس إنتي كده هتؤذي نفسك ومش هتستفيدي حاجة
سبيها على ربنا
بلاش يا هنا علشان خاطري
بصي يا طنط أنا إتعودت طول عمري الغلط تكون نهايته عندي وأنا مش هقدر أغير ده
بس ده مش حاجة بسيطة
ما خاب عبد توكل على الله مش ده كلامك ولا إيه يا زوزو
مقدرتش تقاوح معايا كلمت مالك وقلتله عالمكان بس قابلته في مكان بعيد شوية عن بيت طنط زينب وبنتها مريم
مين قالك عالمكان
أصحاب الخير كتير
بس طلعتي شاطرة وبتعرفي تتصرفي لوحدك
وبعرف أعرف الحقيقة كمان لوحدي
وشه بدأ يتغير ويتوتر بس كان عنده تحكم غير طبيعي في ردود فعله
طب شاطرة ماشاء الله عليكي
إنت هتستعبط
نعم
مالك أنا عرفت كل حاجة
عرفتي إيه!
عرفت كل اللعبة اللي بتتم هنا عرفت ليه مفيش حد بيروح المعاينات
وشه إتغير وقلب ومعرفش يخبي ريأكشناته المرة دي
ريناد حكتلك
ياريت كانت تبقى صادقة معايا بس مش ريناد للأسف
أمال مين
هو ده كل اللي فارق معاك!!!
أنا مش عارف أقولك إيه بجد
مالك إنت شكلك فعلا شخص محترم ليه بجد بتعمل كده معاهم
ڠصب عني والله
ضحكت باستهزاء على كلامه
مفيش حد بيتجبر على حاجة يا مالك خليك فاكر ده كويس
مش كل المواقف ينفع نحكم عليها من برا
قولي إيه مبررك إنك تشارك في حاجة زى دي
أعتقد دي حاجة شخصية
هه شخصية لا والله طب ولما إتدخلتوا في حياتي مكنتش حاجة شخصية برضه
إنتي بتلوميني أنا ليه لوميهم هما
وإنت تفرق عنهم إيه ما إنت مشارك معاهم في ده
قلتلك ڠصب عني
لو إنت كويس فعلا وعندك نية كويسة يبقى هتعمل اللي هقولك عليه ودي الفرصة الوحيدة لإثبات ده
وأنا إيه يجبرني إن أثبتلك حسن نيتي أصلا!
يجبرك كتير أولهم إن زى ما وصلت للحقيقة ف هوصل للإثبات لوحدي ووقتها هتكون
