اسكريبت كامل بقلم إسراء جمال

أنا عاوزة مامااا 
قعدت تضحك وخدتني في حضنها وأنا مكملة عياط 
طيب تعالي نتعشا ونروق على حالنا وننام والصبح نروح لماما أنا وانتي وناهد وكلنا 
مش فاكرة أى حاجة من اللحظة دي صحيت على صوت حد بيصحيني لصلاة الفجر 
إيه ده فيه إيه!
إنتي نمتي وإنتي بټعيطي في حضڼي حتى مرضتيش تصحي للعشا ولا أى حاجة شكلك كنتي تعبانة خالص 
أنا فعلا كنت مرهقة أوي بقالي يومين مانمتش بجد شكرا ليكي إنتي خففتي عني كتير 
صحيت بحماس ونشاط وبدأت أفوق صليت الفجر معاها وفطرت وطلبت منها تعملي نسكافية وعملتهولي بكل سهولة سبحان مغير الأحوال بجد نزلت للشغل وكان باين عليا الحيوية حتى هما كلهم إستغربوا 
ما شاء الله فيه تغيير كبير 
تعرف أنا أدركت حاجة مهمة أوي في اليومين دول وجود رفيق هين بيهون على الواحد كتير في الطريق ممكن نكون أقوياء وبنقدر نكون لوحدنا وننتج لوحدنا بس وجود رفيق معانا بيضاعف مجهودنا بيخلينا أحسن 
بصلي نظرات قلق مكنتش فاهماها ما أنكرش إن قلقت بس حاولت أتجنب القلق الواحد ما بيصدق يعيش لحظة حلوة ليه نغلفها بالقلق ما يمكن ڼموت قبل ما يحصل اللي قلقانين منه!!
أدائك النهاردة ممتاز يا بشمهندسة شكله مستر وجدي كان عنده حق في اختيارك للمعاينة 
كنت مبسوطة أوي وحاسة إن أنا فعلا شاطرة وشطورة وقمرة وقمورة 
عاوزك تخلي بالك مش دايما اللحظات الحلوة بتكون دايمة بس حاولي تخلي عندك مرونة نفسية إنك تقدري ترجعيلها بسرعة كل ما تفقديها 
إيه التشاؤم ده بس عالصبح إنت شفتني مبسوطة قررت تنكد عليا 
مش قصدي أنكد عليكي والله بس مش عارف هكون موجود تاني ولا لأ بس كان لازم أنصحك النصيحة دي 
إيه ده إنت هتمشي ليه
مش بمزاجي 
يعني إيه!
متدوريش ورا حاجة مجهولة سيبي الأيام تفهمهالك أحسن 
مشي وسابني قبل ما يسمع ردي حتى مكنتش فاهمة الشخصية دي ولا فاهمة غموضها بس قررت أنسى المغرب كان قرب يأذن بعد ما قضيت اليوم كله في الشغل قررت أطلع للمكان اللي ببات فيه وأقضي ليلة حلوة مع ريناد البنت اللذيذة اللي قدرت ترجعلي شغفي وتحببني في المكان 
ازيك يا رورو عاملالنا أكل إيه النهاردة
لقيتها بتبصلي نفس نظرات أول يوم!
إيه ده فيه إيه
كنت حاسة إن الدنيا بتلف بيا إزاى نفس الشخص بيتحول كده وإيه الړعب ده!
يتبع 
البارت التاني
ازيك يا رورو عاملالنا أكل إيه النهاردة
لقيتها بتبصلي نفس نظرات أول يوم!
إيه ده فيه إيه
كنت حاسة إن الدنيا بتلف بيا إزاى نفس الشخص بيتحول كده وإيه الړعب ده!
إنتي إزاى كده
بصتلي ومردتش عليا مقدرتش أمسك أعصابي ونبرة صوتي عليت عليها 
إنتو جايبني تجننوني هنا قولي إنكم متفقين عليا صح ما تنطقييييي
نظرات الشړ في عيونها زادت أكتر خرجت من المكان كله مكنتش طايقة أقعد فيه معرفش كنت راحة على فين بس الأكيد أى مكان غير هنا هيكون أمان أكتر 
سيبت موبايلي فوق مرضتش أخده معايا نزلت وفي اللحظة دي كنت بتمنى الأرض تتشق وتبلعني كنت حاسة بخنقة مش طبيعية فضلت ماشية بلا هدف الدنيا كانت بتلف بيا وفجأة كنت شايفة كل حاجة سودا محستش بنفسي غير وأنا في بيت غريب ووسط ناس غريبة!
فاقت الحمدلله 
إنتو مين
حمدلله على سلامتك 
أنا هنا إزاى
إحنا لقيناكي واقعة في الشارع وجبناكي هنا علقنالك محاليل كنتي حالتك صعبة خالص 
أنا عاوزة أرجع بيتي 
بيتك فين طيب
إنتو اللي فين!
إهدي طيب وفهمينا كل حاجة 
أنا مش عاوزة الشغل ده أنا عاوزة أخويا يجي ياخدني وأقدم استقالتي حالا 
هو إنتي من المهندسين اللي بيجو تبع المعاينة
إيه ده إنتي عرفتي منين!
إحنا تقريبا بقينا تخصص قسم إنقاذ المهندسين دول 
أنا مش فاهمة حاجة ممكن تفهموني
للأسف مينفعش تفهمي 
نعم
صدقيني ده لمصلحتك إنتي 
محدش هيعرف مصلحتي أكتر مني 
طيب هفهمك بس يفضل سر بينا 
وبدأت تحكيلي كل حاجة كنت مصډومة معقولة أنا إتحطيت في الموقف ده!
رجعت لمكان المعاينة بس المرة دي رجعت وأنا فاهمة كل حاجة أول ما شافوني جريوا عليا وكانوا مخضوضين أو ممثلين إنهم مخضوضين 
فيه إيه مالكم
ممكن تقوليلنا  كنتي فين يا بشمهندسة وحضرتك مبترديش على موبايلك ليه
كنت بغير جو مع نفسي أظن ده من حقي ملكوش عندي غير وقت الشغل 
طب وموبايلك
سيبته مع ريناد فوق حتى إطلعوا إسألوها ده إحنا بقينا أصحاب خلاص 
كانوا بيبصولي بذهول ومستغربين البرود اللي أنا فيه مكنوش قادرين يحددوا سببه بس اشتغلت كان الشغل تقيل عليا في اليوم ده وأنا مخي كان من أثر الصدمة مش قادر يركز بس كنت صامدة للنهاية وقت الشغل خلص وجينا للمغامرة الليلية!
طب والله بيسلوني يا ترى هلاقي النهاردة أنهي أبديت من ريناد
إيه يا هنون إتأخرتي كده ليه ده أنا مجهزالك الأكل من بدري 
هنون! لأ دي شكلها إحلوت عالآخر 
إيه مالك
لأ مفيش هاتي الأكل هاتي 
حسيت اللعبة إحلوت طب والله تسلية ده أنا حتى طول عمري بحب المغامرة وكان نفسي أسافر أهو جتلي لحد عندي 
عملالك صينية بطاطس بالفراخ أنا عارفة انها نقطة ضعفك 
نقطة ضعفي ده إحنا ملحقناش يومين تعارف حتى يا رورو 
هاه لأ قصدي نقطة ضعف أى مواطن مصري كده كده 
أه صح المصريين فعلا معروفين بحبهم للأكل 
أيوة جدا وريني الصينية دي بقى بتقول إيه 
كلت الصينية وأنا مستمتعة على قد ما الحقيقة بتزعل بس أنا كان العكس كنت مبسوطة مبسوطة وأنا بتعامل وأنا فاهمة يمكن الحقيقة بتوجع بس اللي بيوجع أكتر منها إحساس إنك مغفل لأنك بتكون موجوع من غير ما تكون فاهم أما لما تكون فاهم الموضوع بيختلف!
بقولك صحيح هو الشاب اللي كان معايا ده راح فين
قصدك مالك!
أيوة 
ده مشي 
مشي ليه
تقريبا عمل مشكلة 
مع إنه شكله كان طيب ميوحيش إنه بتاع مشاكل يعني 
مش دايما الظاهر بيكون هو الصح 
كنت عاوزة أقولها وأكبر دليل على ده هو إنتي بس كتمتها في قلبي وسكت 
بقولك يا هنون ما تنزلي معايا السوبر ماركت نتسوق ونجيب شوية حاجات 
وماله ننزل 
نزلت معاها وقررت أفصل بين اللي عرفته وبين الوقت الحلو اللي هنقضيه سوا أهو فرصة أعيش يومين حلوين وده اللي إتعلمته في حياتي أى فرصة تقع قدامي إن أعيش وقت حلو لازم أستغلها مش ضامنة هقدر أعيش زيها تاني ولا لأ!
يخربيت دماغك ده إنتي شكلك أبيض في حوارات ستات البيوت 
شوفي أنا كبيرة أه و عرفت الحلال من الحړام والصح من الغلط ومعرفتش أفرق ما بين الشطة والبابريكا ولا ليا في أى حاجة في المطبخ عموما 
نهارك أبيض أمال هتتجوزي إزاى!
إيه ده فيه إيه هي أمي مسلطاكي عليا ولا إيه!
قضينا وقت حلو وهزار لذيذ برغم معرفتي بالحقيقة بس قررت