اسكريبت كامل بقلم إسراء جمال

الموظفة اللي شغالة بتوقيت مكة المكرمة وصلت أهي 
مش عارفة ليه شامة ريحة تريقة 
لا أبدا ودي تيجي العميل مستنيكي جوا 
لأ عميل مين متهزروش أنا لازم أشرب النسكافية الأول 
والله إنتي لو ممضية المدير على وصلات أمانة ما هتعملي فينا كده 
خليها عليكو المرة دي عشان خاطري وصدقيني من بكرا هتشوفوا آية في الالتزام بس سيبوني أشرب النسكافية الله يستركو 

بصتلي بقرف ومشيت مش عارفة متدايقة مني ليه بس مش مشكلة المهم أشرب النسكافية وبالي رايق بعدين أدخل أخلص كل اللي ورايا أنا وهما وناهد وكلنا بس أشرب النسكافية 
ما تخلصييي مش قاعدة في كافية النجوم حضرتك العميل هيطفش 
طب ممكن أع 
لو نطقتيها والله العظيم أنا اللي هقدم استقالتي وأرتاح من الشغلانة دي خالص 
يعني أدخل للعميل بالطرحة البايظة زى العجوز الشمطاء كده يرضيكي
أه يرضيني هتدخلي جوا حالا 
وفعلا دخلت يخربيت الظلم منها لله الاسكين كير اللي ذالة الواحد للشغلانة دي دخلت وكان عميل كبير في السن ودول أكتر ناس بيطلعوا عيني معرفش بيجيبوا الطاقة دي منين 
إحنا أسفين عالتأخير يا فندم 
عادي محصلش حاجة 
عادي محصلش حاجة هما شربوه حاجة صفرا في القهوة ولا إيه!
حضرتك كويس
أه جدا إنتي اللي هتيجي معانا المعاينة
معاينة إيه!
المدير مبلغني إنه فيه موظفة إسمها هنا هتيجي معايا المعاينة الإسبوع ده تحت مسئولية الشركة 
إسبوع كامل 
أيوة هما مبلغوكيش ولا إيه!
حسيت في اللحظة دي وكإن جردل ماية بارد إتدلق عليا وأنا أقول صابرين على تأخيري وتصرفاتي ولا كإن أبويا صاحب الشركة أتاريه هدوء ما قبل العاصفة 
بقى بتدبسوني
إنتي اللي دبستي نفسك 
إنت عارف إن المعاينات دي بالذات الكل بيهرب منها 
دي حقيقة مقدرش أجبر موظف منتظم عليها كنتي إنتظمي في شغلك وإحنا مكناش حطيناكي هنا 
يعني إيه
يعني هتروحي المعاينة 
حاولت أقاوح بس للأسف من غير فايدة وفجأة لقيتني مطلوب مني السفر تاني يوم!
إنت اللي هتوصلني المعاينة
إنت عموما أه يستي أنا 
ركبت من غير ولا كلمة مكنتش طايقة نفسي مش عارفة هعمل إيه ولا هتصرف إزاى وهلاقي إيه في المعاينة اللي الكل بيهرب منها طول عمري بهرب معاهم من غير ما أعرف السبب بس حسيت إن لازم أهرب معاهم الطريق كان طويل أوي وده أكتر شئ قلقني يا ترى هيحصل إيه هيعذبوني وينتقموا مني هناك ولا إيه!
قربنا نوصل
لسه 
هو إحنا رايحين فين
دلوقتي تعرفي 
كان بيرد على قد السؤال  وكإنه متبلغ ميتكلمش معايا فضلت زهقانة طول الطريق ومش طايقة نفسي يا ترى ليه اختاروني أنا معقولة ده عقاپ ليا علشان التأخير 
إنت رايح فين
نزل ومردش عليا نهار أبوهم أبيض شكلهم ناوين يخطفوني زعقت بصوت عالي بس بلا هدف مكنش فيه أى استجابة عيطت وبدأت أفقد الأمل بس جه خبط على إزاز العربية اللي جانبي 
إنزلي يلا وصلنا 
طب ما كان من الأول ليه الړعب ده كله حد قالكم عندي دموع عاوزة أخلصها
مشي قدامي ومردش عليا برضه وأنا حرفياااا كنت بغلي من جوايا هي شكلها معاينة باينة من أولها وصلنا للمكان وطلع فعلا مطلوب مني شغل!
إيه ده وفين الخطڤ فين الساسبنس فين كل ده معقولة دي النتيجة النهائية يا فندم!
طب ما الحياة سهلة أهي أمال معقدينها ليه وبيخافوا من المعاينات!
عدى أول يوم تمام بس اللي مش تمام بجد هو اللي حصل بليل 
أنا إزاى هنام هنا
زى باقي اللي نايمين عادي 
بس أنا مهندسة!!
كلنا بشرر زى بعض 
يعني إيه
يعني معندناش مكان غير ده 
نمت وأنا مغلوبة على أمري مكنتش أتوقع هيوصل بيا الحال للدرجة دي!
كنت بسمع أصوات مخيفة مش قادرة أستوعب إن هنام في المكان المخيف ده!
فيه بنت جت قعدت جانبي من غير ما تنطق ولا حرف فضلت تبصلي بصات غريبة أنا فيا حاجة غلط طيب!
إنتي كويسة
كملت في النظرات ومردتش عليا يا الله! 
إيه الړعب ده أنا بجد خاېفة!
فضلنا ساعة كاملة عالحال ده مبتنطقش أبدا طب ملبوسة دي ولا إيه طيب أعمل إيه أنا دلوقتي بدأت أمشي بعيد عنها بس برضه بتيجي ورايا دي عملي الأسود على أرض الواقع دي ولا إيه نهار أبيض كنت قدمت استقالتي أكرملي 
إنتي عاوزة مني إيه!
مكنتش بترد بالعكس نظراتها ليا بتزيد أكتر وأكتر!
يا الله على الړعب قعدت أعيط وهي نظراتها ليا بتزيد 
حاولت أهرب منها بكل طريقة بس من غير فايدة برضه نفس النظرات!!
رضيت بالأمر الواقع وقعدت جانبها مكنش عندي فكرة المفروض أعمل إيه جه ميعاد الشغل وعيني حمرا وبنام على نفسي والهالات السودا واكله نص وشي زى الباندا 
مالك إنتي كويسة!
أرجوك مشيني من هنا 
ماينفعش لازم تكملي الإسبوع 
صدقوني ھموت والله لو قعدت هنا ماينفعش أفضل هنا أكتر من كده 
ضحك نص ضحكة وقال من غير ما يحاول يبصلي البنت اللي مبتتكلمش صح
يعني إنتو عارفين!!
أكيد مش إحنا أصحاب المكان 
بتعملوا فيا كده ليه
سابني ومردش عليا طب والحل إيه! أنا لو فضلت عالحال ده هتجنن لا محالة طبعا قلة نومي نتج عنها تقصيري ده غير لما طلبت نسكافية محدش عبرني للدرجادي أنا نكرة
كلمت المدير حاولت اشتكيله وهددته إنه هستقيل ومش عاوزة الشغل 
لو تعرفي ترجعي الطريق لوحدك ف أنا موافق عالاستقالة 
في اللحظة دي بصيت حواليا ولقيت نفسي وسط مكان مهجور مهجور من كل حاجة مكان الشغل وبس!
الموقع كان غريب جدا وكإنه وسط صحرا حرفيا الموبايل وقع مني وأنا نزلت جانبه عالارض وقعدت أعيط مش فاهمة حاجة ولا عارفة إيه اللي بيحصل ده!
إنتي قاعدة كده ليه يا بشمهندسة
أنا عاوزة أروح أرجوك رجعني تاني 
ما قلنا مش هينفع 
ليه أهو نفسي أفهم السبب عالأقل هرتاح 
مش دايما بترتاحي لما تفهمي السبب فيه حاجات الجهل فيها أحسن بكتير 
طب أنا بتعرض للأذى ده كله ليه طيب!
متقلقيش هاتي موبايلك أكتبلك رقمي لو حسيتي إنك في مشكلة كلميني 
مكنتش مستوعبة هو شخص كويس ولا مؤذي طب بيعمل كده ليه طب أنا هنا ليه
طلعت المكان تاني بس المرة دي لقيت البنت بتضحك هي شكلها ملبوسة وجايبنها تجنني 
إزيك إنتي المهندسة الجديدة
لا إله إلا الله سبحان مغير الأحوال إنتي يابنتي مش كنتي إمبارح مبتتكلميش وبتبصيلي نظرات الشړ
إمبارح أنا مكنتش موجودة إمبارح أصلا 
لأ بقولكو إيه أنا أصلا عندي ربع مهوي لوحدي متطيروليش الحبة اللي باقين من عقلي 
والله أنا مكنتش موجودة إمبارح 
سيبتها وقعدت في ركن أعيط في اللحظة دي حسيت إن عاوزة الأرض تنشق وتبلعني رجعوني بيتي طيب وأنا أمضيلكم تعهد إن لا استرونج إندبنت وومن ولا ليا علاقة بأى حد بيقول الكلام الفارغ ده أنا أصلا عاوزة أتستت وأتدلع 
بټعيطي ليه طيب إهدي علشان خاطري 
أنا عارفة إن عيب واحدة كبيرة زيي تقول كده بس